Профессионал бокс оламида Қозоғистон ва Ўзбекистон вакиллари ўртасидаги рақобат йилдан йилга кучаймоқда. Ҳар икки давлат спортчилари халқаро рейтингларда мунтазам равишда юқори ўринларни эгаллаб келмоқда. Sportnews.kz нашри 2025 йил 12 май ҳолатига кўра, янгиланган рейтингларга асосланиб, икки давлат боксчиларининг турли вазн тоифаларидаги ўрнини солиштириб чиқди.
Агар умумий рақамлар бўйича қаралса, Қозоғистоннинг рейтингда иштирок этаётган боксчилари сони Ўзбекистонга нисбатан кўпроқ — 9 та (Қозоғистон) ва 6 та (Ўзбекистон). Бироқ сифат жиҳатидан, яъни топ-10 ёки топ-15 ичида жойлашганлар сонида Ўзбекистон анча устун.
Оғир вазн (+101,6 кг):
• Баҳодир Жалолов (Ўзбекистон) – 7-ўрин;
• Иван Дйчко (Қозоғистон) – 32-ўрин;
Супер ўрта вазн (76,2 кг):
• Бектемир Мелиқозиев (Ўзбекистон) – 12-ўрин;
• Бек Нурмаганбет (Қозоғистон) – 19-ўрин;
• Али Аҳмедов (Қозоғистон) – 28-ўрин;
Ўрта вазн (72,6 кг):
• Мейрим Нурсултонов (Қозоғистон) – 1-ўрин;
Супер ярим ўрта вазн (69,9 кг):
• Исроил Мадримов (Ўзбекистон) – 7-ўрин;
• Садриддин Аҳмедов (Қозоғистон) – 32-ўрин;
Ярим ўрта вазн (66,7 кг):
• Данияр Елеусинов (Қозоғистон) – 30-ўрин;
Супер енгил вазн (63,5 кг):
• Батиржон Жуeмбаев (Қозоғистон) – 29-ўрин;
Енгил вазн (61,2 кг):
• Сиро Чой (Ўзбекистон) – 28-ўрин;
Супер енгил вазн (58,9 кг):
• Султон Заурбек (Қозоғистон) – 16-ўрин;
Ярим енгил вазн (57,2 кг):
• Отабек Холматов (Ўзбекистон) – 12-ўрин;
Минимал вазн (48,9 кг):
• Ҳасанбой Дўсматов (Ўзбекистон) – 7-ўрин;
Ўзбекистонлик боксчилар Баҳодир Жалолов, Бектемир Мелиқозиев, Исроил Мадримов, Отабек Холматов, Ҳасанбой Дўсматов юқори ўринларни банд этган. Айниқса, Мадримов ва Жалолов камар учун жанг қилиши кутилмоқда.
Қозоғистонлик Мейрим Нурсултонов эса ўз вазн тоифасида жаҳон рейтингида биринчи ўринни эгаллаб, мамлакат боксининг нуфузини ошириб турибди. Бироқ бошқа кўплаб вазнларда қозоғистонликлар кучли ўнталикка кира олмаяпти.
Хулоса қилиб айтганда, сон жиҳатдан Қозоғистон устун бўлса-да, Ўзбекистон сифат жиҳатидан анча юқорида турибди. Шу сабабли, ҳозирча глобал бокс майдонида Ўзбекистонлик спортчиларнинг муваффақиятлари кўзга кўпроқ ташланмоқда.
Изоҳ (0)