Аввалроқ ўзбекистонлик профессионал боксчи Баҳодир Жалолов 5 апрель куни Қозоғистоннинг Остона шаҳрида рингга кўтарилиши ҳақида хабар берилган эди. Аммо икки карра Олимпия чемпионининг рақиби ким экани ошкор қилинмади.
Маълум бўлишича, Жалолов украиналик боксчи Игор Шевадзуцкийга қарши рингга кўтарилади. Бу ҳақида Sportilinet нашри хабар берди.
Игор Шевадзуцкий профессионал боксда 14 та жанг ўтказган бўлиб, улардан 12 тасида ғалаба қозонган. Таъкидлаш керакки, у ушбу ғалабаларнинг 10 тасини нокаут эвазига қўлга киритган. Баҳодир Жалолов ҳам проф боксда 14 та жанг ўтказиб, уларнинг барчасини муддатидан олдин ғалаба билан якунлаган.
Жалоловнинг 6 февраль кунги франциялик Давид Спилмонтга қарши жанги бекор қилинган эди. Шу боис, ҳу боис ўзбекистонлик боксчининг Қозоғистондаги жанги жамоатчилик қизиқишини оширмоқда.
Маълумот учун, жанг 5 апрель куни Остонадаги “Барис арена”да ўтказилади.
Изоҳ (0)