Профессионал бокснинг супер ярим ўрта (-69,85 кг) вазн тоифасида ҳаракат қилаётган Исроил Мадримов (6-0, 5 КО) 3 апрель куни Тошкентдаги Humo Arena’да ташкил этиладиган бокс кечасида рингга кўтарилади.
Исроилга бу жангда конголик Эммани Каломбо (14-0, 14 КО) рақиблик қиладиган бўлди. Эътиборлиси, Каломбо ўз иштирокидаги 14 жангнинг барчасида нокаут эвазига ғалаба қозонган. У охирги жангини 2019 йилнинг 16 декабрида Даниэль Лартинига қарши ўтказган.
Аввалроқ Шаҳрам Ғиёсов Тошкентдаги бокс оқшомида Иса Чаниевга, Иқболжон Холдоров Володимир Гордиенкога, Ҳасанбой Дўстматов эса Алексис Диасга қарши жанг қилиши хабар қилинганди.
Шунингдек, мазкур бокс оқшомида Баҳодир Жалолов, Элнур Абдураимов, Санжар Турсунов каби ўзбекистонлик боксчилар жанг қилиши кутилмоқда. Шу кечада Миразизбек Мирзаҳалилов ҳам проф боксдаги дебютини ўтказади.
Эслатиб ўтамиз, Мадримов 2020 йилнинг 16 август санасида америкалик Эрик Уокерга (20-3, 9 КО) қарши жангдаги ғалабаси орқали WBA Жаҳон чемпионлик камари учун мажбурий даъвогарга айланганди.
Изоҳ (0)