2025 йилнинг 6 февраль куни Канаданинг Монреаль шаҳрида профессионал бокс оқшоми ташкил этилади.
Ушбу кечада супероғир вазн тоифасидаги ўзбекистонлик боксчи Баҳодир Жалолов ҳам рингга кўтарилади. Унга ўша куни франциялик Девид Спилмонт рақиблик қилади. Топ Ранк промоутерлик компанияси жангни расман тасдиқлади. Баҳодир Артур Биярсланов ва Моҳамед Мимун ўртасидаги марказий жангнинг андеркардида рингга чиқади.
Маълумот учун, Баҳодир Жалолов профессионал боксдаги фаолияти давомида ҳозирга қадар 14 та жанг ўтказиб, уларнинг барчасида ғалаба қозонган. Сўнгги жангини 2023 йил 17 ноябрь куни Тошкентда ЖАР вакили Крис Томпсонга қарши ўтказиб, илк раунддаёқ нокаут орқали зафар қучганди.
Унинг бўлажак рақиби Девид Спилмонт эса шу кунгача 27 та жанг ўтказиб, 16 ғалаба, 8 мағлубият ва 1 та дуранг қайд этган. Ғалабаларининг 11 тасини нокаут орқали қўлга киритган.
Изоҳ (0)