Гамбургдаги Жаҳон чемпионатини ўзбекистонлик иккинчи спортчи тарк этди.
Бокс. Ҳасанбой Дўстматов ҳиндистонлик рақибини енгиб, илк ярим финалчига айланди
Бунга қадар Мурод Аҳмадалиев мундиал билан хайрлашган бўлса, энди унинг сафига -75 килограммгача вазн тоифасидаги спортчилар мусобақасида жанг қилган Исроил Мадримов қўшилди.Исроил Гамбургдаги илк жангида катта устунликка эришиб, рақибини нокаутга учратганди. Бу сафар эса ҳакамлар америкалик спортчининг ғалабасини эътироф этди. «Оламспорт» нашрининг ёзишича, бунда улар америкалик боксчига ён босган. Чунки жанг Мадримовнинг устунлигида ўтган.
Тошкентдаги Осиё чемпионатида ярим финалга қадар етиб кела олмаган Санжар Турсунов эса Жаҳон чемпионатида финал остонасига йўл олди. У голландиялик рақибини таслим қилди.
Жаҳон чемпионатларида дебют қилаётган 20 ёшли Иқбол Холдоров мезбонлардан Артём Харутянянга имконият қолдирмади. Жанг давомида у германиялик боксчини нокдаун ҳолатига ҳам туширган. Ҳакамлар умумий балларда ундан 2 очко олиб ташлаган бўлса-да, қолган баллари ғалабаси учун етарли бўлди.
-49 кг — Ҳасанбой Дўстматов — Амит (Ҳиндистон) — 5:0-52 кг — Иқбол Холдоров — Артём Харутянян (Германия) — 4:1-75 кг — Исроил Мадримов — Трой Исли (АҚШ) — 2:3-91 кг — Санжар Турсунов — Рой Корвинг (Голландия) — 4:1
- 22:10 — Жасур Латипов — Сейбер Сегура (Колумбия) — 52 кг
- 22:40 — Элнур Абдураимов — Отар Ераносян (Грузия) — 60 кг
- 22:55 — Шаҳрам Ғиёсов — Пат МакКормак (Англия) — 69 кг
- 23:20 — Бектемир Мелиқўзиев — Ерик Алжанов (Қозоғистон) — 81 кг
- 23:45 — Баҳодир Жалолов — Камишбек Конкабаев (Қозоғистон) — +91 кг
Жаҳон чемпионатини Ўзбекистон учун UzReport телеканали трансляция қилмоқда.
Изоҳ (0)