Professional boks olamida Qozog‘iston va O‘zbekiston vakillari o‘rtasidagi raqobat yildan-yilga kuchaymoqda. Har ikki davlat sportchilari xalqaro reytinglarda muntazam ravishda yuqori o‘rinlarni egallab kelmoqda. Sportnews.kz nashri 2025-yil 12-may holatiga ko‘ra, yangilangan reytinglarga asoslanib, ikki davlat bokschilarining turli vazn toifalaridagi o‘rnini solishtirib chiqdi.
Agar umumiy raqamlar bo‘yicha qaralsa, Qozog‘istonning reytingda ishtirok etayotgan bokschilari soni O‘zbekistonga nisbatan ko‘proq — 9 ta (Qozog‘iston) va 6 ta (O‘zbekiston). Biroq sifat jihatidan, ya’ni top-10 yoki top-15 ichida joylashganlar sonida O‘zbekiston ancha ustun.
Og‘ir vazn (+101,6 kg):
• Bahodir Jalolov (O‘zbekiston) – 7-o‘rin;
• Ivan Dychko (Qozog‘iston) – 32-o‘rin;
Super o‘rta vazn (76,2 kg):
• Bektemir Meliqoziyev (O‘zbekiston) – 12-o‘rin;
• Bek Nurmaganbet (Qozog‘iston) – 19-o‘rin;
• Ali Ahmedov (Qozog‘iston) – 28-o‘rin;
O‘rta vazn (72,6 kg):
• Meyrim Nursultonov (Qozog‘iston) – 1-o‘rin;
Super yarim o‘rta vazn (69,9 kg):
• Isroil Madrimov (O‘zbekiston) – 7-o‘rin;
• Sadriddin Ahmedov (Qozog‘iston) – 32-o‘rin;
Yarim o‘rta vazn (66,7 kg):
• Daniyar Yeleusinov (Qozog‘iston) – 30-o‘rin;
Super yengil vazn (63,5 kg):
• Batirjon Jukembayev (Qozog‘iston) – 29-o‘rin;
Yengil vazn (61,2 kg):
• Siro Choy (O‘zbekiston) – 28-o‘rin;
Super yengil vazn (58,9 kg):
• Sulton Zaurbek (Qozog‘iston) – 16-o‘rin;
Yarim yengil vazn (57,2 kg):
• Otabek Xolmatov (O‘zbekiston) – 12-o‘rin;
Minimal vazn (48,9 kg):
• Hasanboy Do‘smatov (O‘zbekiston) – 7-o‘rin;
O‘zbekistonlik bokschilar Bahodir Jalolov, Bektemir Meliqoziyev, Isroil Madrimov, Otabek Xolmatov, Hasanboy Do‘smatov yuqori o‘rinlarni band etgan. Ayniqsa, Madrimov va Jalolov kamar uchun jang qilishi kutilmoqda.
Qozog‘istonlik Meyrim Nursultonov esa o‘z vazn toifasida jahon reytingida birinchi o‘rinni egallab, mamlakat boksining nufuzini oshirib turibdi. Biroq boshqa ko‘plab vaznlarda qozog‘istonliklar kuchli o‘ntalikka kira olmayapti.
Xulosa qilib aytganda, son jihatdan Qozog‘iston ustun bo‘lsa-da, O‘zbekiston sifat jihatidan ancha yuqorida turibdi. Shu sababli, hozircha global boks maydonida O‘zbekistonlik sportchilarning muvaffaqiyatlari ko‘zga ko‘proq tashlanmoqda.
Izoh (0)