Дунё ва ўзбек спортига оид 8 ноябрь кунининг энг муҳим хабарлари дайжести билан танишинг.
Ўзбекистон
Шавкат Мирзиёев Париж—2024 Олимпия ва Паралимпия ўйинларига комплекс тайёргарлик кўриш бўйича қарорни имзолади
Ўзбекистон Республикаси Президенти Шавкат Мирзиёев 2024 йил Париж шаҳрида бўлиб ўтадиган Олимпия ва Паралимпия ўйинларига спортчиларимизни пухта тайёрлаш бўйича «2024 йил Париж шаҳрида (Франция) бўлиб ўтадиган ХХХИИИ ёзги Олимпия ва XVII Паралимпия ўйинларига Ўзбекистон спортчиларини комплекс тайёрлаш тўғрисида»ги Қарорни имзолади. Қарорнинг тўлиқ матни билан бу ерда танишишингиз мумкин.
Исроил Мадримов навбатдаги жангини Тошкентда ўтказади
Профессионал бокснинг супер ярим ўрта вазн тоифаси (-69,8 кг) ҳаракат қиладиган Исроил Мадримов (7-0, 5 КО) ўзининг навбатдаги жангини Тошкентда ўтказади.
17 декабрь куни Humo Arena ўйингоҳида ўтказиладиган жангда франциялик Мишел Сорога (35-2-1, 24 КО) қарши рингга кўтарилади. Мадримов—Соро жанг ғолиби WBA Super камари учун мажбурий даъвогарга айланади. WBA Super камари айни дамда Жермелл Чарлога (34-1-1, 18 КО) тегишли ҳисобланади.
Шунингдек, мазкур бокс оқшомида Исроил Мадримовдан ташқари, ўзбекистонлик боксчилардан Баҳодир Жалолов, Шаҳрам Ғиёсов ва Ҳасанбой Дўстматов ҳам ўзининг навбатдаги жангларини ўтказиши кутилмоқда.
Аввалроқ Сречко Катанец 28 футболчидан иборат кенгайтирилган таркибни эълон қилганди. Якуний қайдномада эса бир қатор ўзгаришлар юз берган. Кенгайтирилган таркибга киритилган дарвозабон Санжар Қувватов («Пахтакор»), ҳимоячи Жалолиддин Жумабоев («Локомотив»), ярим ҳимоячилар Санжар Қодирқулов, Жавоҳир Сидиқов (иккиси – «Локомотив»), ҳужумчи Азизбек Омонов (Локомотив) якуний қайдномадан жой олмаган.
Терма жамоадан чақирув олган ҳимоячи Рустам Ашурматов виза билан боғлиқ муаммолар сабаб бу галги йиғинда иштирок этолмайдиган бўлди. Унинг ўрнига «Пахтакор» клуби аъзоси Марлен Чобанов жалб этилган.
Шунингдек, Беларуснинг «БАТЭ» жамоаси ҳужумчиси Шаҳбоз Умаров коронавирусга чалингани сабаб ўқув-машғулотлар йиғинини ўтказиб юборади. Унинг ўрнига қайси футболчи терма жамоага жалб этилиши борасида ҳозирча маълумот берилмаган.
Жаҳон
«Барселона» расман Хавини бош мураббий сифатида таништирди«Барселона» Хавини расман жамоа бош мураббийи сифатида таништирди.
41 ёшли мутахассис «Камп Ноу» стадионида Каталония клуби президенти Хоан Лапорта ҳамроҳлигида мухлислар олдига чиқиш қилди. Шундан сўнг Хави ва Лапота ўртасида расмий шартнома имзоланган.
Аввалроқ Хавининг «кўк-анорранглилар» билан 2024 йилгача мўлжалланган шартномага келишиб олгани ҳақида хабар берилганди.
«Манчестер Юнайтед» Сульшерга ишонишда давом этади
«Манчестер Юнайтед» бош мураббийи Оле-Гуннар Сульшер АПЛнинг 11-турида «Манчестер Сити»дан учралган мағлубиятдан сўнг (0:2) ҳам истеъфога чиқарилмайди.
The Guardian хабарига кўра, норвегиялик мураббий Премьер Лиганинг 12-туридан ўрин олган «Уотфорд»га қарши ўйинда (20 ноябрь) ҳам жамоани бошқаради.
Қайд этилишича, клуб раҳбарияти жамоанинг сўнгги пайтлардаги қониқарсиз натижаларига қарамай, Сульшерга ишонишда давом этади ва у ФИФА кунларидан кейин ҳам жамоага устозлик қилади.
«Милан» Пиоли билан шартномани узайтирмоқчи
«Милан» жамоа бош мураббийи Стефано Пиоли билан 2024 йилгача мўлжалланган янги шартнома имзолашга яқин турибди, деб ёзмоқда таниқли инсайдер Николо Скира.
Қайд этилишича, 56 ёшли италияликнинг маоши янги шартномага кўра бир мавсум учун 2 миллион евродан 3 миллион еврога ошади.
Пиолининг миланликлар билан амалдаги келишуви 2022 йилнинг июнида ўз ниҳоясига етади.
«Реал» ёзда 6 нафар футболчиси билан хайрлашмоқчи
«Реал» 2021/22 йилги мавсум охирида бирданига олти нафар футболчи билан хайрлашиши мумкин, уларнинг жамоада қолиши иқтисодий жиҳатдан клубга ортиқча юк бўлиши мумкин.
АС хабарига кўра, гап ҳимоячилар Марсело, Хесус Вальехо, ярим ҳимоячи Иско, ҳужумчилар Гарет Бэйл ва Лука Йович, шунингдек, Эден Азар ҳақида кетмоқда.
Агар бу футболчилар жамоани тарк этса, «Реал» маошлардан йилига 54 миллион еврогача тежаб қолади. Бу ўз навбатида «ПСЖ» ҳужумчиси Килиан Мбаппе билан шартнома имзолаш ва Винисиус Жуниорга яхшиланган битим таклиф қилиш имконини беради.
Маълумот учун, Азар ва Бэйл йилига 15 миллион евродан маош олади. Иско ва Марсело 8, Йович 5 миллион евро олса, Вальехода бу кўрсаткич 3 миллион еврони ташкил қилади.
«Ньюкасл»га янги мураббий тайинланди
Эдди Ҳоу «Ньюкасл» бош мураббийи этиб тайинланди. Бу ҳақда клуб матбуот хизмати хабар берди.
43 ёшли англиялик мутахассис клуб билан 2024 йилнинг июнигача мўлжалланган битим борасида келишиб олган. Ҳау бунгача «Бёрнли» ва «Борнмут» клубларида фаолият юритган, у 2021 йилнинг ёзидан бери ишсиз эди.
«Ньюкасл» Англия чемпионатининг 11-туридан кейин 5 очко билан мусобақа жадвалида 19-ўринда бормоқда.
Аввалроқ клуб Саудия фонди томонидан сотиб олинганидан кейин катта трансферларни амалга ошириши ҳақида хабарлар тарқалганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)