Дунё ва ўзбек спортига оид 1 декабрь тонгининг энг муҳим хабарлари дайжести билан танишинг.
Ўзбекистон
Тошкентда профессионал бокс кечаси бўлиб ўтади
17 декабрь куни Тошкентда ўзбекистонлик номдор боксчилар иштирокида йирик мусобақа ўтказилади. Асосий жанг Исроил Мадримов ва Мишел Соро ўртасида чемпионлик камари учун кечади. Шунингдек, карддан Шаҳрам Ғиёсов, Ҳасанбой Дўстматов, Бектемир Мелиқўзиев, Иқболжон Холдоров, Элнур Абдураимов ва Дилшод Рўзметов иштирокидаги жанглар ўрин олган.
Баҳодир Жалолов 11 декабрда Дубайда жанг қилади
Токио—2020 Олимпиадаси ғолиби Баҳодир Жалолов 11 декабрь куни Дубайда профессионал боксдаги навбатдаги жангини ўтказади. Бироқ ҳозирча унга бу жангда ким рақиблик қилиши маълум эмас.
Жалолиддин Машарипов отасига Hyundai Sonata совға қилди
«Ан-Насср» ҳужумкор ярим ҳимоячиси отасининг таваллуд кунига Hyundai Sonata автомобилини совға қилди.
Жаҳон
ESPN йилнинг энг яхшиларини эълон қилди
2021 йилнинг энг яхши ҳужумчиси сифатида Лионель Месси эътироф этилди. Криштиану Роналду иккинчи ўриндан жой олган бўлса, Килиан Мбаппе кучли учликка якун ясаган. Марказий ҳужумчилар орасида эса Роберт Левандовски ғолиб деб топилган, кейинги поғоналардан Эрлинг Ҳоланд ва Карим Бензема жой олган.
Шунингдек, бошқа позицияларда ҳам ғолиблар аниқланди:
- Энг яхши дарвозабон: Ян Облак;
- Энг яхши ўнг қанот ҳимоячиси — Ашраф Ҳакими;
- Энг яхши чап қанот ҳимоячиси — Эндрю Робертсон;
- Энг яхши марказий ҳимоячи — Рибен Диаш;
- Энг яхши марказий ярим ҳимоячи — Нголо Канте;
- Энг яхши ҳужумкор ярим ҳимоячи — Кевин де Брюйне;
- Энг яхши вингер — Садио Мане;
- Энг яхши мураббий — Томас Тухель.
Германиялик мутахассис 2019 йилдан буён мураббийлик фаолияти билан шуғулланмаётгани боис унга Буюк Британияда ишлаш ҳуқуқи тўғридан-тўғри берилмайди. Рангник Англия футбол ассоциацияси махсус комиссиясига ҳужжатларни тақдим этишига тўғри келади.
Гарчи бу вазиятда унинг виза олиши фақат расмиятчилик учун бўлсада, бу жараён декабрь ўрталарига қадар чўзилиши мумкин, дея хабар қилмоқда ESPN. Шу тариқа Рангник яқин орада «Манчестер Юнайтед» ўйинларида иштирок эта олмайди.
«Манчестер Сити» ва «ПСЖ» Эрлинг Ҳоланд учун курашда фаворит
Sky Sport Deutschland хабарига кўра, катта эҳтимол билан норвегиялик футболчи ёзда «Боруссия Д»ни тарк этади.
Унга асосий даъвогар сифатида «Манчестер Сити» ва «ПСЖ» кўрсатилмоқда. Парижликлар унга Килиан Мбаппенинг ўринбосари сифатида қарамоқда. Шу билан бирга дортмундликлар футболчини яна бир мавсум олиб қолишга умид қилмоқда.
Эрлинг Бундеслига жорий мавсумида 7 та ўйин ўтказиб, 10 та гол урди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)