Boxing247.com нашри журналисти Майкл Коллинз ўзбекистонлик супер оғир вазн тоифасидаги боксчи Баҳодир Жалолов (14–0, 14 КО) яқин орада профессионал рингда кучлироқ рақиблар билан жанг қилишига умид қилаётгани ҳақида ёзди.
Оғир вазн тоифасидаги Олимпия чемпиони Баҳодир Жалолов рингга қайтмоқда. У профессионал боксда бир йилдан кўпроқ вақт мобайнида жанг қилмаган. Аввалроқ у Монреалда ташкил этилган бокс кечасининг асосий жангида қатнашиши керак эди, аммо сўнгги дақиқада юзидаги ҳусунбузар сабаб баҳсни бекор қилишга мажбур бўлди. Жалоловда ҳамма нарса бор. Аммо у энди кучли қаршилик қиладиган рақиблар билан рингга чиқиши керак, деб ёзди журналист.
5 апрель куни Остона шаҳрида ўтадиган жанг оқшомида Жалолов украиналик Игор Шевадзуцкийга (12–2, 10 КО) қарши рингга кўтарилади.
Аввалроқ ўзбекистонлик чарм қўлқоп устаси супер оғир вазн тоифасида мутлоқ жаҳон чемпиони украиналик Олександр Усикга қарши рингга чиқишни хоҳлаётганини маълум қилган эди.
Изоҳ (0)