Германиянинг Гамбург шаҳрида давом этаётган бокс бўйича Жаҳон чемпионатининг ярим финалига 6 ўзбекистонлик спортчи йўл олди.
Тунги натижаларга кўра, Элнур Абдураимов ҳамда Баҳодир Жалолов мусобақа билан хайрлашди. Баҳодир қозоғистонлик рақибига жиддий қаршилик кўрсатди. Элнур эса грузилиялик спортчига қарши айтарли ҳеч нарса қила олмади. Бунга қадар Мурод Аҳмадалиев ва Исроил Мадримров ҳам ЖЧдаги иштирокига якун ясаганди.
Қизиқ томони, ўзининг илк жангида рақибларини нокаут қилган икки ўзбекистонлик иккинчи жангидаёқ мағлуб бўлди: Исроил Мадримов ва Баҳодир Жалолов.
Ўзбекистон термасининг қолган 6 боксчиси чемпионлик учун курашни давом эттирадиган бўлди. Бунда Рио совриндорлари ҳисобланган Ҳасанбой Дўстматов ва Шаҳрам Ғиёсов ярим финал чиптасини катта устунлик билан қўлга киритганини кўриш мумкин.
Эндиликда Ўзбекистон делегациясида камида 6 та бронза медали нақд қилинган. Спортчилар уларни олтинга айлантириш имкониятини сақлаб турибди. Қатарда ўтган сўнгги Жаҳон чемпионатида Ўзбекистон термаси 3 та кумуш ва 3 та бронза билан кифояланганди. Ҳозир мана шу кўрсаткични яхшилаш устида ҳаракат давом этмоқда.
-49 кг: Ҳасанбой Дўстматов — Амит (Ҳиндистон) — 5:0-52 кг — Иқбол Холдоров — Артём Харутянян (Германия) — 4:1-75 кг — Исроил Мадримов — Трой Исли (АҚШ) — 2:3-91 кг — Санжар Турсунов — Рой Корвинг (Голландия) — 4:1-52 кг — Жасур Латипов — Сейбер Сегура (Колумбия) — 4:1-60 кг — Элнур Абдураимов — Отар Ераносян (Грузия) — 0:569 кг — Шаҳрам Ғиёсов — Пат МакКормак (Англия) — 5:0-81 кг — Бектемир Мелиқўзиев — Ерик Алжанов (Қозоғистон) — 3:2+91 кг — Баҳодир Жалолов — Камишбек Конкабаев (Қозоғистон) — 2:3
Жаҳон чемпионатини Ўзбекистон учун UzReport телеканали трансляция қилмоқда.
Изоҳ (0)