3 апрель куни Pepsi кўмагида кенг кўламли тадбир — Humo Arena’да профессионал бокс оқшоми бўлиб ўтди. Юртимиз ва хорижнинг миллионлаб ишқибозлари яна бир бора ўзининг чемпионлик мақомини ҳимоя қилган ўзбек боксчиларининг мутлақ ғалабасига гувоҳ бўлди.
Оқшом бошланишида спортчимиз Иқболжон Холдоров ўзининг танзаниялик рақиби Кулва Буширини биринчи раунднинг ўзида нокаут қилди.
Бундан сўнг илк бора ўз юртида рингга тушаётган барча боксчиларимиз кетма-кет кучли рақиблари устидан ғалаба қозонди.
Шаҳрам Ғиёсов ва Патрисио Лопес Морено ўртасидаги учрашув жуда қизиқарли кечди. Юртдошимиз биринчи ярим ўрта вазн тоифасидаги WBA International мақомини ҳимоя қилиши керак эди ва бешинчи раундда унинг мексикалик рақиби нокаут бўлди.
Оқшом ярим енгил вазн тоифасидаги WBA ва IBF мақомлари учун Муроджон Аҳмадалиев ва Рёсуке Иваса ўртасидаги узоқ кутилган баҳс билан якунланди. Юртдошимиз Япониядан келган рақибини нокаут қилиб, ғалаба қозонди.
Ўзбек боксчилари қуйидаги натижаларни кўрсатди:
Иқболжон Холдоров — Кулва Бушири (Танзания) — нокаут
Санжар Турсунов — Иван Юхта (Украина) — мутлақ афзаллик
Миразизбек Мирзахалилов — Таша Мжуажи (Танзания) — нокаут
Ҳасанбой Дўстматов — Муҳсин Кизота (Танзания) — нокаут
Баҳодир Жалолов — Кристапс Зуиц (Латвия) — нокаут
Исроил Мадримов — Эммануэль Каломбо (Конго) — мутлақ афзаллик
Шаҳрам Ғиёсов — Патрисио Лопес Морено (Мексика) — нокаут
Муроджон Аҳмадалиев — Рёсуке Иваса (Япония) — нокаут
Реклама ҳуқуқи асосида.
Изоҳ (0)