Халқаро бокс ассоциацияси (IBA) раҳбари Умар Кремлёв Бирлашган Араб Амирликларининг Дубай шаҳрида бўлиб ўтаётган ташкилот тадбирлари доирасида ўзбекистонлик Олимпиада чемпиони бўлган боксчиларни 100 минг доллар пул мукофоти билан тақдирлади.
-E8HUkyA5.jpg)
Мукофот олганлар орасида ўзбекистонлик боксчилар Ҳасанбой Дўстматов, Баҳодир Жалолов, Лазизбек Мулложонов, Абдумалик Ҳалоков ва Асадхўжа Мўйдинхўжаевлар бор.
Аввалроқ IBA раҳбари Шаҳобиддин Зоиров иштирокида жангнинг 5-раундигача нокаут орқали ғолиб бўлган боксчи 1 млн долларлик мукофот пулига эга бўлишини хабар қилган эди. Ушбу жанг тўлиқ ўтказилди ва совринга ҳеч ким эга чиқмади.
Маълумот учун, Кремлёв Олимпиада ғолибларига 100 минг АҚШ доллари (50 минг спортчининг ўзига, 25 минг мураббийига, 25 минг мамлакат бокс федерациясига), кумуш медал эгалари 50 минг ҳамда бронза медали учун 25 минг АҚШ доллари миқдоридаги пул мукофоти берилишини маълум қилган эди.
Изоҳ (0)