Ўзбекистонлик таниқлибоксчи Иқболжон Холдоров 3 апрель куни Тошкентдаги Humo Arena’да бўлиб ўтадиган бокс кечасида профессионал рингдаги дебют жангини ўтказади.
Холдоровга ушбу жангда украиналик Володимир Гордиенко (8-3, 3 КО) рақиб бўлади, дея хабар қилмоқда Бохреc.
Мазкур бокс кечасининг асосий жангида Муроджон Аҳмадалиев (8-0, 6 КО) Рёсуке Ивасага (27-3, 17 КО) қарши беллашувда WBA ва IBF камарларини ҳимоя қилади.
Аввалроқ Шаҳрам Ғиёсов Тошкентдаги бокс оқшомида Иса Чаниевга, Ҳасанбой Дўстматов эса Алексис Диасга қарши жанг қилиши хабар қилинганди.
Шунингдек, мазкур бокс оқшомида Исроил Мадримов, Баҳодир Жалолов, Элнур Абдураимов, Санжар Турсунов каби ўзбекистонлик боксчилар жанг қилиши кутилмоқда. Шу кечада Миразизбек Мирзаҳалилов ҳам проф боксдаги дебютини ўтказади.
Маълумот учун, Холдоров ҳаваскор боксда 2017 йилги Осиё чемпионати ва 2018 йилдаги Осиё ўйинлари ғолиби ҳисобланади. Шунингдек, у 2017 йилги Жаҳон чемпионати кумуш медалига ҳам сазовор бўлган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)