Франциянинг Париж шаҳрида ёзги Олимпиада ўйинлари ўз якунига етди.
Барча мусобақалардан сўнг жадвалнинг юқори қисми қуйидагича кўриниш олган:
Мусобақаларнинг сўнгги кунида Хитой етакчиликни бермай келаётган эди. Якунда АҚШ яна икки медал олиб олтин медаллар сонини тенглаштирди. Америкаликлар кумуш медаллар эвазига Хитойни ортда қолдириб, етакчиликни қўлга киритди.
Ўзбекистон ҳам ўзининг энг яхши натижасини қайд этди. Спортчилар сўнгги кунда ишончли ҳаракат қилиб, 3 та олтин, 2 та кумуш медални қўлга киритди.
Ўзбекистон делегацияси таркибида дастлабки уч медални ҳам дзюдочилар қўлга киритди. Диёра Келдиёрова олтин медал, Музаффар Тўрабоев ҳамда Алишер Юсупов бронза медал соҳибига айланди.
8 август кунги баҳсларда таэквондочи Улуғбек Рашитов ҳамда боксчи Ҳасанбой Дўстматов олтин медални қўлга киритди.
9 август кунги дастурда эса эркин курашчи Ғуломжон Ғайбуллаев бронза, боксчилар Лазизбек Муллажонов ҳамда Асадхўжа Мўйдинхўжаев эса олтин медалларга эга чиқди.
10 август куни боксчилар Баҳодир Жалолов, Абдумалик Ҳалоков, эркин курашчи Разамбек Жамалов олтин медални қўлга киритди ҳамда таэквондочи Светлана Осипова, оғир атлетикачи Акбар Жўраев кумуш медални қўлга киритди.
Шундай қилиб Ўзбекистон 8 та олтин, 2 та кумуш ва 3 та бронза медалини қўлга киритган ҳолда мамлакат тарихидаги энг яхши натижасини қайд этди.
Изоҳ (0)