Ўзбекистонлик икки карра Олимпия чемпиони, оғир вазн тоифасида (+90 кг) рингга чиқаётган Баҳодир Жалолов 5 апрель куни Остонада бўлиб ўтадиган бокс кечасидаги жанги ҳақида фикр билдирди.
Ушбу жангда Жалоловга украиналик Игор Шевадзуцкий рақиблик қилади.
Ғалаба учун қўлимдан келган барча нарсани қиламан. Ринг майдонида барчасига аниқлик киритамиз. Рақибимни ютиш, уни нокаутга учратиш учун ҳаракат қиламан. Бу бизнинг минтақамиз, шу боис халқимиз учун эсда қоларли жанг тақдим этишни истайман, деди Жалолов BoxNation нашрига берган интервьюсида.
30 ёшли Жалолов профессионал боксда 14 ғалабага эришган ва ҳали мағлубиятга учрагани йўқ. У икки карра жаҳон чемпиони, Осиё ўйинлари ғолиби ва уч карра Осиё чемпиони саналади.
Баҳодирнинг рақиби Игор Шевадзуцкий эса профессионал боксда 14 та жанг ўтказган бўлиб, улардан 12 тасида ғалаба қозонган. Таъкидлаш керакки, у ушбу ғалабаларнинг 10 тасини нокаут эвазига қўлга киритган.
Изоҳ (0)