Бутунжаҳон бокс ташкилоти (WBO) июнь ойи учун янгиланган рейтингни эълон қилди.
Унга кўра, Ҳасанбой Дўстматов бир поғона пастлаб, 8-ўринга жойлашди. Олимжон Назаров ҳам пастлаб 5-ўринга пастлади. Муроджон Аҳмадалиев (5) ҳамда Муҳаммад Шехов (6) ўз ўринларида қолди.
-tyeP4pFh.jpg)
Ярим ўрта вазн тоифасида жанг қилувчи Шаҳрам Ғиёсов бир поғона юқорилаб вазн пешқадамига айланди. Бектемир Мелиқўзиев ҳамда Баҳодир Жалоловлар ҳам ўтган ойги поғоналарини сақлаб қолди.
Рейтингдан 7 нафар ўзбек боксчиси жой олган:
- Ҳасанбой Дўстматов (биринчи ўта енгил вазн (48,8 кг): ўтган ойдагидан бир поғона пастлаб, 8-ўринга жойлашди;
- Олимжон Назаров (ўта енгил вазн тоифаси — 50,8 кг) ўтган ойдагидан бир поғона пастлаб 5-ўринни эгаллади;
- Муроджон Аҳмадалиев (биринчи ярим енгил вазн тоифаси — 55,3 кг) ўтган ойдаги каби 5-ўринни эгаллади;
- Муҳаммад Шехов (биринчи ярим енгил вазн тоифаси — 55,3 кг) ўтган ойдаги сингари 6-ўринни эгаллади;
- Шаҳрам Ғиёсов (ярим ўрта вазн тоифаси — 66,6 кг) ўтган ойдагидан бир поғона юқорилаб вазн пешқадамига айланди;
- Бектемир Мелиқўзиев (супер ўрта вазн — 76,2 кг) ўтган ойдаги сингари 9-ўринни эгаллади;
- Баҳодир Жалолов (супер оғир вазн — 90,7 кг) ўтган ойдагидек 15-ўринда қолди.
Аввалроқ 20 июнь WBO рейтингида Баҳодир Жалолов ва Шаҳрам Ғиёсов 2 поғона кўтарилиб олганди. Олимжон Назаров май ойидаги рейтинг ўрнига нисбатан 3 поғона кўтарилганди. Ҳасанбой Дўстматов ҳам 1 поғона юқорилаганди.
Эслатиб ўтамиз, Ўзбекистон бокс юлдузи, WBA версияси бўйича супер оғир вазнда собиқ жаҳон чемпиони, оғир вазнда (81-91 кг) ҳаваскорлар орасида Осиё ҳамда жаҳон чемпиони Руслан Чагаев Ўзбекистоннинг бугунги кунда энг яхши боксчилари — Баҳодир Жалолов ва Шаҳрам Ғиёсов ҳақида фикр билдирганди.
Изоҳ (0)