Германиянинг Гамбург шаҳрида бугун — 25 август куни бокс бўйича Жаҳон чемпионати старт олади. Унинг ҳамма вазнида ўзбекистонлик спортчи ғолиблик учун кураш олиб боради.
Кеча — 24 август куни жангларга қуръа ташлаш маросими бўлиб ўтди. Унга кўра, 10 нафар ўзбекистонлик боксчидан 2 таси иштирокини 1-босқичдан бошлайдиган бўлди: Жасур Латипов (-52 кг) ва Санжар Турсунов (-91 кг). Қолган барча боксчилар автоматик равишда мундиалга 2-босқичдан қўшилади.
-49 кг: Ҳасанбой Дўстматов — Назар Куротчин (Украина) — Робинсон Родригес (Коста-Рика)-52 кг: Жасур Латипов — Янкиэл Ривера (Пуэрто-Рико)-56 кг: Мурод Аҳмадалиев — Қайрат Эралиев (Қозоғистон)/Кристофер Флорес (Мексика)-60 кг: Элнур Абдураимов — Ҳарри Гарсайд (Австралия)/Карен Тонаканян (Арманистон)-64 кг: Иқбол Холдоров — Матеж Полски (Польша)/Жон Гуттьерес (Колумбия)-69 кг: Шаҳрам Ғиёсов — Евгений Барабанов (Украина)/Нкумбу Силунгве (Замбия)-75 кг: Исроил Мадримов — Луис Родригес (Пуэрто-Рико)/Азиз Ачилов (Туркманистон)-81 кг: Бектемир Мелиқўзиев — Муслим Гажимагомедов (Россия)/Жейсон Варела (Колумбия)-91 кг: Санжар Турсунов — Жеффри Гонсалес (Никарагуа)+91 кг: Баҳодир Жалолов — Ким Ларсен (Дания)/Мбуи Карлос (Ангола)
Ўзбекистонлик 10 боксчидан 9 нафари Жаҳон чемпионатига қитъа чемпиони сифатида ташриф буюрган. Улар Тошкент мезбонлик қилган Осиё чемпионатида барча рақибларини енгиб, олтин медални қўлга киритган. Фақатгина -91 килограммда жанг қилган Санжар Турсуновгина Осиё чемпионатининг ярим финалига етиб бора олмаган ва медалсиз қолган. Шунга қарамай, Турсунов плей-офф раундида рақибини енгиб, мундиал чиптасига эга чиққан.
Бокс бўйича Жаҳон чемпионати беллашувларини Ўзбекистон ҳудудида трансляция қилишнинг эксклюзив ҳуқуқини UzReport телеканали қўлга киритган.
Изоҳ (0)