Россия молия вазири Антон Силуанов 6 май куни нефть ва табиий газ тушумлари камайиши сабабли бюджет тақчиллиги ошганини эълон қилди. Шу боисдан Миллий бойлик жамғармаси захираларининг бир қисми етишмовчиликни қоплаш учун сарфланиши режалаштирилмоқда. Бу ҳақда Anadolu хабар берди.
Йил давомида Иқтисодиёт вазирлиги бизга берган прогнозларга асосланиб Миллий бойлик жамғармасининг 447 миллиард рубль (5,48 миллиард доллар) миқдоридаги маблағларидан фойдаланмоқдамиз, деди Силуанов журналистларга.
Вазир нефть нархининг ўзгариши муносабати билан расмийлар бюджет прогнозларига ўзгартиришлар киритганини ва ортиқча харажат ёки қарз олишга ҳаракат қилинмаётганини айтди.
Тахмин қилинишича, 2025 йилги бюджет тақчиллиги ялпи ички маҳсулотга нисбатан 0,5 фоиздан 1,7 фоизгача ошиши мумкин.
Россия президенти Владимир Путин томонидан тасдиқланган асосий фискал тамойиллар 2030 йилгача сақланиб қолиши ва ўзгартирилмаслиги айтилмоқда. Россиянинг Суверен бойлик жамғармасидаги ликвид активлари 2025 йил 1 апрель ҳолатига кўра 3,2 триллион рублни (39,2 миллиард доллар) ташкил этган.
Маълумот учун, бир вақтлар капиталлашуви 1 триллион долларга етишни кўзлаган “Газпром” қудратли давлат корпорацияси 2023 йилда тарихдаги энг катта зарарни кўрди. Жумладан, бир триллион рублдан ортиқ маблағни бой берди.
Изоҳ (0)