Rossiya moliya vaziri Anton Siluanov 6-may kuni neft va tabiiy gaz tushumlari kamayishi sababli byudjet taqchilligi oshganini e’lon qildi. Shu boisdan Milliy boylik jamg‘armasi zaxiralarining bir qismi yetishmovchilikni qoplash uchun sarflanishi rejalashtirilmoqda. Bu haqda Anadolu xabar berdi.
Yil davomida Iqtisodiyot vazirligi bizga bergan prognozlarga asoslanib Milliy boylik jamg‘armasining 447 milliard rubl (5,48 milliard dollar) miqdoridagi mablag‘laridan foydalanmoqdamiz, dedi Siluanov jurnalistlarga.
Vazir neft narxining o‘zgarishi munosabati bilan rasmiylar byudjet prognozlariga o‘zgartirishlar kiritganini va ortiqcha xarajat yoki qarz olishga harakat qilinmayotganini aytdi.
Taxmin qilinishicha, 2025-yilgi byudjet taqchilligi yalpi ichki mahsulotga nisbatan 0,5 foizdan 1,7 foizgacha oshishi mumkin.
Rossiya prezidenti Vladimir Putin tomonidan tasdiqlangan asosiy fiskal tamoyillar 2030-yilgacha saqlanib qolishi va o‘zgartirilmasligi aytilmoqda. Rossiyaning Suveren boylik jamg‘armasidagi likvid aktivlari 2025-yil 1-aprel holatiga ko‘ra 3,2 trillion rublni (39,2 milliard dollar) tashkil etgan.
Ma’lumot uchun, bir vaqtlar kapitallashuvi 1 trillion dollarga yetishni ko‘zlagan “Gazprom” qudratli davlat korporatsiyasi 2023-yilda tarixdagi eng katta zararni ko‘rdi. Jumladan, bir trillion rubldan ortiq mablag‘ni boy berdi.
Izoh (0)