АҚШнинг Исроил ва Украинага ёрдами келажак авлодлар хавфсизлигини таъминлашга ёрдам берадиган сармоядир, деди Америка президенти Жо Байден халққа мурожаатида.
“Бу оқилона сармоя бўлиб, Америка хавфсизлиги учун авлодлар учун дивидендлар тўлайди”, деди у.
Байденнинг сўзларига кўра, агар Қўшма Штатлар иккала давлатни қўллаб-қувватлашни тўхтаца, бу унинг глобал етакчилиги, қадриятлари ва иттифоқчилигини хавф остига қўяди.
Президент 20 октябрь куни Конгрессга Исроил ва Украинага қўшимча маблағ ажратиш бўйича “шошилинч бюджет сўрови” юборишини айтди. Reuters манбаларига кўра, гап келаси йил учун умумий қиймати 100 миллиард доллар бўлган пакет ҳақида кетмоқда. Бу маблағлардан 60 миллиард доллари Украинага, 10 миллиард доллари Исроилга, қолгани эса Тайванга ёрдам бериш ва АҚШнинг Мексика билан чегарасида хавфсизликни таъминлашга қаратилган.
Шунингдек, Байден можаронинг тинч йўл билан ҳал этилишини БМТнинг Яқин Шарқда мустақил араб ва яҳудий давлатларини яратиш ҳақидаги қарорини амалга ошириш билан боғлади.
“Исроил ва фаластинликлар тенг даражада хавфсизлик, қадр-қиммат ва тинчликда яшашга лойиқдир”, — деди у.
Байденнинг “оқилона сармоя” ҳақидаги баёнотига Россия Ташқи ишлар вазирлиги вакили Мария Захарова изоҳ берган.
“Урушлар АҚШ учун анъанавий равишда ъақлли сармояъ бўлиб келган. Улар Америка ҳудудида бўлмагани учун, бу мамлакат бошқа одамларнинг харажатлари ҳақида қайғуришмайди. Айтишганидек, шахсий нарса йўқ, шунчаки бизнес”, — деб ёзди у Telegram’даги каналида.
Изоҳ (0)