Россия Марказий сайлов комиссиясига президентлик сайловлари учун федерал бюджетдан 33 миллиард 233,8 миллион рубль (367 миллион 743 минг доллар) тушди. Бу ҳақда “ТАСС” хабар берди.
Комиссиянинг бюджет маблағларини тақсимлаш тўғрисидаги қарорда ажратилган маблағнинг 32 миллиард 846,7 миллион рубли (366 миллион доллардан ортиқ) қуйи сайлов комиссияларига юборилиши ёзилган. Бундан ташқари, 170 миллион рубль (1 миллион 894 минг доллар) сайловчиларни рўйхатга олиш ва ҳисобга олиш билан шуғулланувчи давлат органлари ўртасида тақсимланади. МСКда президентлик сайловолди кампанияси даврида ўз ваколатларини амалга ошириш учун 217,1 миллион рубль (2 миллион 419 минг доллар) қолади.
- Россияда навбатдаги президентлик сайлови 2024 йил 15–17 март кунлари (уч кун) бўлиб ўтади. Унда Россия президенти Владимир Путин ҳам ўз номзодини қўйишини айтди.
- 12 декабрь куни Марказий сайлов комиссияси Россия Украинанинг босиб олинган ҳудудларида — ўзини ўзи мустақил деб эълон қилган ДХР, ЛХР, Херсон ва Запорожье вилоятларида ҳам сайлов ўтказилишини маълум қилди.
Изоҳ (0)