Украина молия вазири Сергей Марченконинг айтишича, ҳукумат 2024 йилда АҚШдан 12-14 миллиард доллар миқдорида молиявий ёрдам сўрашни режалаштирмоқда. Вазирнинг сўзларига кўра, Россия билан уруш давом этаётгани шароитида Украина бюджети харажатлари ҳамон юқорилигича қолмоқда.
“Ҳали ҳеч қандай музокаралар йўқ, кўплаб ноаниқликлар мавжуд ва биз бу ёрдам кафолатланганига ишончимиз комил эмас”, — деди Сергей Марченко.
Шунингдек, вазир жорий йил охиригача Украина АҚШдан 3,3 миллиард доллар олишга умид қилаётганини таъкидлади.
Бу йил Украина бюджет тақчиллигини қоплаш учун АҚШдан деярли 10 миллиард доллар молиявий ёрдам олди. Украина расмийларининг фикрича, уларнинг эҳтиёжлари келаси йилда камаймайди, чунки украиналик ҳарбийлар қарши ҳужуми секин ривожланмоқда.
Изоҳ (0)