Баъзида актёрлар фильмларнинг давомий қисмида рол ўйнашдан бош тортишади. Улар баъзан фильм ёки сериални суратга олишнинг ўртасида ташлаб ҳам кетади. Бунга кўп сабаблар бўлиши мумкин: режиссёрлар билан келишмовчиликлар, шахсий шароитлар, бандлик. Лойиҳаларни тарк этиш арафасида бўлган, лекин бошланган ишини якунлашга қарор қилган бир нечта машҳурлар билан танишинг.
Дуэйн Жонсон, “Ремпейж”
Актёр фильм охирида унинг қаҳрамони вафот этишини билганида аллақачон сценарийни ўрганишни бошлаган эди. Одатда қаршилик қилмайдиган Дуэйн бу сафар сўзида қатъий эди: агар ёзувчилар охирини ўзгартирмаса, фильмда рол ўйнашдан бош тортади. Натижада узоқ давом этган музокаралардан сўнг актёр ва кино ижодкорлари муросага келишади.
Маколей Калкин, “Уйда ёлғиз”
Маколей “Уйда ёлғиз” франшизасининг учинчи қисмида рол ўйнамаган. Актёр қаҳрамонидан юқорилаб кетганини ҳис қилгани учун ролдан воз кечади. Аммо Калкин Янги йил комедиясининг иккинчи қисмида ҳам ўйнамаслиги мумкинлигини кўпчилик билмайди. Чунки актёрнинг отаси суратга олиш жараёнини саботаж қилиш билан таҳдид қилади. У ўғли студиянинг бошқа фильмларида ҳам бош ролни ўйнашини хоҳлайди.
Бенедикт Камбербатч, “Шерлок”
Сериал ижодкорлари ва сценарий ёзувчилардан бири бош рол ижрочисини суратга олишни давом эттиришга ишонтириш тобора қийинлашиб бораётганини айтади. Моффат Бенедикт ва Мартинни тўртинчи мавсумда рол ўйнашга кўндирганларида ҳатто ҳайрон бўлганини тан олади. Гап шундаки, актёрларнинг аллақачон жуда банд жадваллари бор эди ва улар, аслида, энди сериалга муҳтож эмас эдилар.
Ал Пачино, “Чўқинтирган ота”
Дастлаб кино ижодкорлари Майкл ролини ўша пайтда танилмаган актёр Ал Пачинога беришни истамаган. Суратга олиш ишлари бошланганда ҳам студияда шубҳалар бор эди. Ал Пачино бу ролдан воз кечишга тайёр эди, чунки у “кутилмаган жойда бўлишни истамасди”. Аммо режиссёр Френсис Коппола актёрни қолишга кўндирган.
Лиза Кудроу, “Дўстлар”
Интервьюда актриса учинчи фаслдан сўнг образидан чарчагани учун шоуни тарк этмоқчи эканини айтади. Аммо Жой ролини ижро этган Метт Лебланк қизни қолишга кўндиради. Актёр қизга ўйинни унчалик жиддий қабул қилмасликни айтади.
Бред Питт, “Вампир билан интервью”
“Вампир билан интервью” фильмида актёр ўзини бахтсиз ҳис қилади. “Мен олти ойни қоронғида, шунингдек, контакт линзаларида ўтказдим”. Охир-оқибат, Питт чидай олмайди, продюсерга қўнғироқ қилиб, буёғига ўйнай олмаслигини айтади. Аммо продюсер томонидан эълон қилинган суратга олишдан бош тортганлик учун жарима актёрни лойиҳада иштирок этишни давом эттиришга мажбур қилади.
Зои Салдана, “Кариб денгизи қароқчилари: Қора марварид тавқи лаънати”
.jpg)
Зои франшизада кичик рол ўйнаган. Актрисанинг айтишича, ушбу фильмнинг суратга олиниши туфайли у нафақат суратга олиш майдончасини, балки кинони ҳам деярли тарк этган. Юлдузнинг тан олишича, гап актёрлар таркибида эмас, балки бошқарув жамоасининг ёрдамчи актёрларга муносабати ҳақида кетмоқда.
Рассел Кроу, “Робин Гуд”
Расселл Кроу фильм сценарийси туфайли ролидан воз кечмоқчи бўлади. Юлдузга сценарий шунчаки қизиқ эмасдек туюлади. Актёр сценарий қайта ёзишни талаб қилади, шундан кейингина ишга киришади.
Алан Рикман, “Гарри Поттер”
Алан Рикман “Азкабан маҳбуси” фильмини суратга олишдан олдин франшизани тарк этиш ҳақида ўйларди. Актёр продюсерлардан, режиссёрлардан ва умуман “Гарри Поттер” сужетидан ҳафсаласи пир бўлган. Ўз хотираларида у фильм ижодкорларини муштлашга тайёрлигини тан олади. “Тўғри, махсус эффектлар бор, қаҳрамон ривожланади, лекин сужет қани?” деб ёзган эди у.
Изоҳ (0)