Кинодаги карерасини болалигида бошлаб, санъатни тарк этишга қарор қилган ва кейинчалик яна фильмларда рол ўйнаган машҳурлар (фото)

Голливуд юлдузлари орасида болалигидан машҳурликка эришган, бироқ кинони тарк этишга қарор қилган ва йиллар ўтиб яна фильмларда рол ўйнашни давом эттирганлари ҳам бор. “Harper’s Bazaar” нашри шу каби машҳурлар ҳақида маълумот берди.

Дилан ва Коул Спроус

Эгизаклар биринчи марта экранга чиққанида 8 ойлик эди. Кейинчалик улар “Оловдаги Грэйс”, “Катта дада”, “Космонавтнинг рафиқаси” лойиҳалари ва “Дўстлар” сериалида суратга тушди.  Бироқ 2011 йилда Дилан ва Коул ўз карераларида танаффус эълон қилди, чунки улар олий маълумотли бўлиш учун  вақт ажратишга қарор қилди. Тўрт йил ўтгач, улар кинога қайтди, ҳозирда Голливуд юлдузлари контракт шартномалари пулини иккига бўлмайди.

Маколей Калкин

“Уйда ёлғиз” фильми чиққанидан сўнг, Маколей Калкин ҳамма учун Кевин Маккаллистерга айланди. Ҳаттоки “Бойвачча Ричи” картинаси ҳам томошабинлар томонидан ўша болакайнинг саргузаштлари давоми сифатида қабул қилинди. Бу вақтга келиб, ёш актёр суратга олиш жараёнларидан сезиларли даражада чарчаган эди, бу ҳолат унинг отаси билан тортишувлари туфайли янада мураккаблашди. Шунинг учун, актёр ижодий танаффус қилди ва 2020 йилда “Американча даҳшатли ҳикоялар” лойиҳаси билан кино саноатга қайтишга қарор қилди.

Анна Кламски

Анна Кламски 1991 йилда Маколей Калкин билан “Менинг қизим” фильмида рол ўйнаганидан кейин машҳурликка эришди. У 1999 йилда Чикаго университетида ўқиш ва нашриётда ишлаш учун кинодаги фаолиятида олти йил танаффус қилди. Анна тезда бундай фаолиятдан зерикди, шундан сўнг у яна кўнгилочар соҳага қайтди.

Ке Ҳуй Сюан

Ке ёшлигида 1984 йилда “Индиана Жонс ва тақдир ибодатхонаси” фильмидаги Шорти ролини ижро этган. Бироқ фильм муваффақиятига қарамай, ёш актёр машҳурликка эриша олмади.  Сюан интервьюларининг бирида кино саноат ўша пайтда осиёлик актёрларга таянмаганини айтган. Шундан кейин ҳеч қандай лойиҳаларда рол ўйнамади ва  2022 йилда “Ҳамма нарса ҳамма жойда ва бир вақтнинг ўзида” лойиҳасида суратга тушди.

Бен Севиж

Бен 90 йилларда “Йигит дунёни билади” телесериалида суратга тушди. Бироқ Севиж яна бир нечта юқори даражадаги лойиҳаларда эътиборга олинди ва ҳатто танқидчиларнинг эътирофига сазовор бўлди. Бироқ таълимга бўлган иштиёқ актёрлик карерасини қуришни давом эттириш васвасасини енгди. У уч йил давомида ҳеч қандай лойиҳада суратга тушмади, бу эса унинг карерасига ҳам ўз таъсирини кўрсатди. Бен ҳали ҳам лойиҳаларга таклиф қилинмоқда, бироқ  бу фильмларни машҳурликка эришади, деб бўлмайди.