Кино номини танлашга узоқ вақт сарфлаб, қайси фильмни томоша қилишни билмаяпсизми? Голливуд машҳурлари бунда сизга ёрдам беради. Қуйида Америка юлдузлари севадиган ва қайта кўришга арзийдиган фильмлар рўйхатини тавсия этамиз.
Бредли Купер — “Рома” (2018)
Мексикалик режиссёр Алфонс Куароннинг “Рома” фильмини томоша қилганда актёр Бредли Купер кўз ёшдан ўзини тия олмайди. Ушбу драма фильм кўплаб аёлларнинг ноҳақ ёлғиз қолиши ва ҳаёт муаммолари билан бир ўзлари курашиши ҳақидадир. Сценарийга кўра, бадавлат шифокор рафиқаси ва фарзандлари билан Мехикода яшайди. Улар Клео исмли ёрдамчини ишга олишади, у қаллиғидан ҳомиладор бўлиб қолади. Бола ҳақида эшитган йигит уни ташлаб тезда қочиб кетади. Шу вақтда доктор ҳам аёлини ўзга учун ташлаб кетади.
Леонардо Ди Каприо — “Такси ҳайдовчиси” (1976)
Режиссёр Мартин Скорсезе томонидан суратга олинган, Роберт Де Ниро бош ролни ижро этган фильмни актёр Ди Каприо жуда ҳурмат қилади. Вьетнам урушидан қайтган Тревис Бикл исмли ҳарбий такси ҳайдовчиси бўлиб ишга киради ва ню-ёрклик мижозларининг гуноҳларга тўла ҳикояларини тинглаб шаҳар кезади.
Женнифер Лоуренс — “Ўгай ака-укалар” (2008)
Ушбу комедия Дейл ва Бреннан исмли улғайган тана ичидаги ўсмирлар ҳақидаги фильм бўлиб, иккисининг ота-онаси турмуш қуради. Бир уйда яшашга мажбур бўлган ўгай ака-укалар охир-оқибат бир-бирига жуда ўхшаш эканлигини англаб етади. Аммо фильм сўнгида уларнинг ота-онаси ажримга қарор қилади. Актриса Лоуренс сўзларига кўра, мазкур фильм ҳаётидаги энг кулгили комедиялардан биридир.
Элизабет Олсен — “Индиана Жонс ва тақдир ибодатхонаси” (1984)
Актриса Элизабет Олсен “Индиана Жонс” франшизасини севиб томоша қилади. Унга айниқса “Тақдир ибодатхонаси” қисми манзур бўлган. Фильмда жасоратли ва билимли археолог Ҳимолай тоғларига келади, аммо у ерда маҳаллий аҳолининг тузоғига тушади.
Тейлор Свифт — “Ажойиб инсон” (2019)
Фильм сценарийси хонанданинг 1989 йилги альбомидан, аниқроғи, Clean қўшиғидан илҳомланиб суратга олинган. Тейлор Свифтнинг ўзи эса фильм асосида Death by a thousand Cuts трекини яратди. Фильм сюжетига кўра, мусиқа журналисти Женни қаллиғи билан ажрашганидан сўнг тушкунликка тушади. Унинг ўзига келишига шахсий ҳаётида ҳам кўп муаммоларга дуч келган дўстлари ёрдам беради.
Женнифер Лопес — “Весцайд ҳикояси” (1961)
Ушбу мусиқали фильмни хонанда ва актриса Женнифер Лопес 37 маротаба томоша қилган. Сценарийга кўра, Манхеттенда икки гуруҳ кураш олиб боради. Жет гуруҳининг аъзоси Тони душман раҳбарининг қизи Марияни севиб қолади. Лопес айтишича, у Мария образига ўхшашни сира хоҳламайди. У ўз мақсади сари дадил борадиган Анитага ўхшашни истаган.
Изоҳ (0)