Ўтган йилда Netflix тизими тарихидаги энг машҳур драмаларидан бири бўлган “Калмар ўйини”нинг узоқ кутилган учинчи мавсумига оид дастлабки кадрлардан лавҳалар намойиш этилди ҳамда сериал давомининг чиқиш санаси маълум қилинди.
Воқеалар ривожи ҳақида тафсилотлар ҳозирча кўп эмас, бироқ бир нарса аниқ: томошабинларни шунчаки якун эмас, балки ҳақиқий финал раунди кутмоқда. Ким охиригача етиб боришини ва ўйин нима билан тугашини билиш учун атиги бир неча ҳафта сабр қилиш керак.
“Калмар ўйини”нинг финал мавсум 2025 йил 27 июнда намойиш этилади. Сериал иккинчи мавсумдан атиги ярим йил ўтиб, қисқа муддатда қайтишининг сабаби иккала мавсумнинг бир вақтда суратга олинганидадир.
Учинчи мавсум ҳам етти қисмдан иборат бўлади. Лойиҳа режиссёри Хван Дон Хёкнинг сўзларига кўра, финал икки мавсумга ажратилиши сценарий структураси билан боғлиқ. Унга еттинчи қисм эмоционал ва мазмунан жиҳатдан тугалланган бўлиб туюлган.
“Иккала мавсумни ёзаётганимда тушундимки, еттинчи қисм сериалнинг энг муҳим бурилиш нуқтаси бўла олади. Мен томошабинлар финал раунд олдидан бир оз нафас ростлашини хоҳладим”, дейди драма муаллифи.
“Калмар ўйини”нинг биринчи мавсуми 2021 йилда намойиш этилган ва платформадаги рекорд даражадаги старт билан феноменга айланган. 2024 йил 26 декабрда чиққан иккинчи мавсум эса Netflix тарихидаги энг машҳур инглиз тилидаги бўлмаган лойиҳалар орасида иккинчи ўринни эгаллаган. Энди эса барча эътибор финалга қаратилган.
Изоҳ (0)