АОКАда ўтказилган брифингда “Олмалиқ кон-металлургия комбинати” АЖ ахборот хизмати раҳбари Умида Қаршибоева 2025 йилнинг 1-чорагидаги ишлаб чиқариш, инвестиция, экспорт, рақамлаштириш ва ЭСГ соҳаларида амалга оширилган ишлар юзасидан маълумот берди.
Унинг сўзларига кўра, Олмалиқ кон-металлургия комбинати меҳнат жамоаси томонидан 2025 йилнинг 1-чорагида барча ишлаб чиқариш прогнозлари бажарилишига эришилди.
Жумладан, 1-чорак бўйича 8 трлн, 29 млрд 174 млн, 159 минг(8,2 трлн) сўмлик товар маҳсулотлари ишлаб чиқариш белгиланган бўлиб, амалда 9 трлн 149 млрд 64 млн 759 минг(9,1 трлн) сўмлик товар маҳсулотлари тайёрланди. Режа 113,9%га бажарилди.
Шунингдек, прогноз бўйича 1 млрд, 728 млн 594 минг(1,7 млрд) сўмлик халқ истеъмоли моллари ишлаб чиқариш белгиланганди, амалда эса 2 млрд 323 млн 706 минг(2,3 млрд) сўмлик халқ истеъмоли моллари тайёрланиб, режа 134,4%га адо этилган.
Мис катоди ишлаб чиқариш вазифаси 101,4%га бажарилиб, ўсиш суръати +101,7%ни ташкил этди.
Ўз хом ашёмиздан мис катоди ишлаб чиқариш прогнози 118,4%га, рух ишлаб чиқариш эса 102,7%га бажарилган.
1-чоракда шунингдек, мис купороси(100%), эмалланган мис симлар(100%), техник селен ва теллур(100%), перренат аммоний(100,9%), палладий кукуни(102,5%) каби маҳсулотлар ишлаб чиқариш прогнозлари ҳам бажарилди.
Экспортга тўхталадиган бўлсак, жорий йилнинг январь март ҳолатига кўра, экпорт прогнози 105,4%га бажарилиб, 101 735 000(101 млн 735 минг) долларлик маҳсулотлар экспорти амалга оширилди.
Хорижий истеъмолчиларга мис катоди, мис катанкаси, рух, рух купороси, мис купороси, кадмий, техник теллур каби маҳсулотлар юборилган.
2025 йилда янги бозорлар ўзлаштирилиши кўзда тутилган бўлиб, хусусан, Исроил ва Марокаш каби давлатларга маҳсулотлар экспорт қилиниши режалаштирилган.
Маҳаллийлаштириш дастури ижросининг 1-чорак натижаларига кўра, дастур доирасида 93 та лойиҳа бўйича 312,4 млрд сўмлик маҳсулотлар ишлаб чиқарилди, прогноз 104%га бажарилди. Импорт ўрнини босиш самарадорлиги эса 24 млн долларни ташкил қилди.
Янги лойиҳалар бўйича 252,7 млрд сўмлик маҳаллийлаштирилган маҳсулотлар ишлаб чиқарилди.
Шунингдек, ҳисобот даврида маҳаллийлаштирилган маҳсулотлардан 364,2 минг долларлик маҳсулотлар экспорти амалга оширилди.
Режа бўйича 64 млн долларлик маҳсулотлар импорти амалга оширилиши керак эди. Амалда эса 47,8 млн долларлик маҳсулот импорт қилинди ва ушбу кўрсаткич режага нисбатан 75%ни ташкил этди.
Импортни қисқартириш бўйича амалга оширилган чора-тадбирлар натижасида жами 11,6 млн доллар валюта маблағлари тежалиб, режа 129%га бажарилди.
Кооперация алоқаларини кенгайтириш ва маҳаллий ишлаб чиқарувчиларни қўллаб-қувватлаш орқали жами 436,8 млрд сўмлик маҳаллий маҳсулотлар хариди амалга оширилиб, натижада режа 125%га бажарилишига эришилди.
Инвестисия
“Олмалиқ КМК” АЖда инвестисия дастури доирасида ҳам белгиланган вазифалар 1-чоракда бажарилиши таъминланди. Хусусан, биринчи чорак якуни бўйича 205,4 млн доллар маблағ ўзлаштирилиб, режа 102,1%га бажарилди. Тўғридан-тўғри хорижий кредитлар ҳисобидан 105,4 млн доллар ўзлаштирилган ҳолда прогноз 101,7%га адо этилди.
Рақамлаштириш
Олмалиқ кон-металлургия комбинатида 2025 йилда рақамлаштириш доирасида 21 та лойиҳа амалага оширилиши режалаштирилган. Жорий йилнинг 1-чорагида 8 та лойиҳа ишга туширилди. Хусусан, ишлаб чиқариш жараёнларини автоматлаштириш ва замонавий ахборот тизимларини қўллаш, бошқарув тизими самарадорлигини ошириш ва иш юритиш жараёнини рақамлаштириш, Сунъий интеллект тизимларини ривожлантириш ва Ахборот хавфсизлигини ошириш, IT соҳасида ходимларни ўқитиш ва малакасини ошириш каби йўналишлар бўйича амалга оширилган ишлар туфайли бир қатор натижаларга эришилди.
Жумладан, “Э-Метрология” ахборот тизими ишга туширилиб, 46 мингта назорат ва ўлчов асбобларни маълумотлар базаси яратилди. 2900 нафар фойдаланувчиларнинг электрон почтасини ҳимояланди. 5 минг тармоқ қурилмаларини мониторинг қилиш (НАC) тизими яратилди.
Рейтинг
Шунингдек, 2025 йил февраль ойида Sustainable Fitch рейтинг агентлиги томонидан комбинатга ЭСГ Entity Ратинг «3» даражали рейтинги ва 56 баллни берилди. Бу комбинатнинг барқарор ривожланиш стратегиясини, шунингдек, ижобий бошқарув ва экологик профилини, тоғ-кон ва металлургия саноатига хос экологик муаммоларни ҳисобга олган ҳолда фаолият юритишини билдиради.
Бу рейтинг Республика кон-металлургия саноати соҳалари ичида энг юқори кўрсаткич ҳисобланади.
Баҳолаш комбинатнинг талабларга мувофиқлиги, тасниф(таксономия)ларга риоя қилиши, БМТнинг Барқарор ривожланиш мақсадларига қўшган ҳиссаси ҳамда ЭСГ мезонларини бизнес, стратегия ва бошқарувга интеграция қилишини қамраб олади.
Сертификат
Олмалиқ кон металлургия комбинати жорий йилнинг февраль ойида ISO 50001:2018 халқаро стандарти талабларига мувофиқлигини тасдиқловчи сертификатни қўлга киритди. Мазкур сертификат - энергия истеъмолини тизимли бошқариш, харажатларни камайтириш ва атроф-муҳитга салбий таъсирни камайтиришга қаратилган халқаро стандарт ҳисобланади. Унинг жорий этилиши корхоналарга энергия ресурсларидан оқилона фойдаланиш, уларнинг самарадорлигини ошириш ва ишлаб чиқаришга замонавий технологияларни жорий этишга ёрдам беради.
Реклама ҳуқуқи асосида.
Изоҳ (0)