44 ёшли япониялик актриса Реко Ҳиросуэ авария содир бўлганидан кейин у борган касалхонадаги ҳамширага тан жароҳати етказганликда айбланиб, ҳибсга олинди.
Автоҳалокат 7 апрель душанба куни кечқурун Шизуока префектурасининг Шимада шаҳрида содир бўлган. Ҳиросуэ бошқарган енгил автомобиль Шин—Томей тезкор автомагистралида юк машинасининг орқа қисмига урилган. Актриса билан бирга машинада унинг менежери бўлган эркак ҳам бор эди. Актриса енгил жароҳат олган, юк машинаси ҳайдовчиси эса жароҳатланмаган.
Полиция маълумотларига кўра, ҳодисадан сўнг актрисани касалхонага олиб боришган ва у ерда Реко 37 ёшли ҳамширани бир неча марта урган, унга бақирган ва қўлини тирнаган. Актриса ҳибсга олинган.
Актрисанинг расмий веб-сайтида берилган баёнотда, у автоҳалокатдан сўнг “ваҳима” ҳолатида бўлганида ҳамширани жароҳатлагани айтилган. Бундан ташқари, Ҳиросуэ вақтинчалик актёрлик фаолиятини тўхтатишини эълон қилди.
-H_aIT65D.avif)
Полиция актрисанинг ўзини айбдор деб тан олганлигини айтмади. Тергов органларидан олинган маълумотларга кўра, сўроқ пайтида Ҳиросуэ безовта ҳолатда кўринган, у овозини баландлатган ва хонада юрган, қонида спиртли ичимликлар излари топилмаган.
-RJRIfIl-.avif)
Реко Ҳиросуэга машҳурликни Герард Кравчикнинг Люк Бессон сценарийси асосида суратга олинган “Васаби” фильмидаги роли олиб келди, унда у Жан Рено билан бирга рол ўйнаган.
Актриса, шунингдек, 2008 йилда “Энг яхши хорижий тилдаги фильм” номинациясида “Оскар” мукофотига сазовор бўлган ҳамда “Учиб кетганлар” фильмидаги роли билан ҳам шуҳрат қозонган.
Изоҳ (0)