Бизнес ва тадбиркорлик олий мактаби магистратура дастурларига қабул жараёнлари давом этаётганини маълум қилади

Бугунги тез ўзгарувчан ва рақобатбардош глобал иқтисодий муҳитда муваффақиятли бўлиш учун замонавий билим, стратегик тафаккур ва амалий кўникмаларга эга бўлиш ниҳоятда муҳимдир. Янги технологиялар, рақамли трансформация, барқарорлик тамойиллари ва халқаро ҳамкорлик бугунги бизнеснинг ажралмас қисмига айланган.

Шу боис, Ўзбекистон Республикаси Вазирлар Маҳкамаси ҳузуридаги Бизнес ва тадбиркорлик олий мактаби — ушбу эҳтиёжларни тўлиқ қамраб олувчи, халқаро андозаларга мос магистратура дастурларини таклиф этади.

Мутлақо амалий ва замонавий ёндашувга эга магистрлик дастурлари

Янги ўқув йилида абитуриентларга 7 та долзарб йўналиш бўйича магистратура мутахассисликларини таклиф этилади. Ҳар бир дастур чуқур таҳлил, замонавий стратегиялар, амалий ёндашув ва халқаро кўникмаларни ривожлантиришга қаратилган.

Таклиф этилаётган йўналишлар:

• МСc Лойиҳа бошқаруви – мураккаб ва кўп босқичли лойиҳаларни режалаштириш, бошқариш ва самарали амалга оширишни ўргатувчи дастур. Ҳозирги иш бозори айнан лойиҳа менежерларига бўлган талаб билан ажралиб туради.
• MBA Агробизнес – Ўзбекистон иқтисодиётининг устун йўналишларидан бири бўлган қишлоқ хўжалиги ва агросаноат тармоғи учун замонавий менежерларни тайёрлайди. Агротехнологиялар, озиқ-овқат хавфсизлиги, экспорт салоҳиятини ошириш каби мавзулар асосида тузилган.
• MBA Глобал менежмент – халқаро миқёсда компанияларни бошқариш, трансмиллий стратегиялар яратиш ва жаҳон бозорига чиқиш қобилиятини шакллантиради. Дастур глобал бизнеснинг нозик жиҳатларини ўргатади.
• MBA Кичик бизнес ва тадбиркорлик – ўз стартапини очмоқчи ёки мавжуд бизнесини янги босқичга олиб чиқмоқчи бўлганлар учун. Инновацион фикрлаш, мижозга йўналтирилган ёндашув ва молиявий барқарорликни шакллантиришга қаратилган.
• MBA Лидерлик – жамоаларни бошқариш, самарали етакчилик, қарор қабул қилишда стратегик ёндашув ва ўзгаришларни бошқариш кўникмаларини ривожлантиради.
• MBA Молия – молиявий бошқарув, инвестиция таҳлили, бюджетлаш, рискларни бошқариш, корпоратив молиявий қарорлар ва молия бозорларидаги замонавий амалиётлар асосида тузилган.
• MBA Рақамли иқтисодиёт – сунъий интеллект, блокчейн, рақамли стратегия, электрон тижорат, инновацион бизнес моделлар, биг дата ва технологик трансформация бўйича чуқур билим беради.

Тажрибали устозлар, илғор таълим методлари

Дастурларни тайёрлаш ва ўқитиш жараёнига етакчи маҳаллий ва хорижий профессорлар, амалиётчи мутахассислар жалб этилган. Бу сизга нафақат назарий билим, балки реал ҳаётда синовдан ўтган стратегияларни ҳам ўрганиш имконини беради.

Таълим машғулотлари ўзбек, рус ва инглиз тилларида, кундузги ва кечки форматларда олиб борилади.

Халқаро тажриба ва ҳамкорлик имкониятлари

Бизнес ва Тадбиркорлик Олий Мактаби ўзининг кенг кўламли халқаро алоқалари билан ҳам ажралиб туради. Талабалар:

• Халқаро амалиётларда қатнашиш;
• Ташқи таълим муассасалари билан алмашув дастурларида иштирок этиш;
• Хорижий профессорларнинг маҳорат дарсларида қатнашиш;
• Халқаро конференциялар ва бизнес форумларда иштирок этиш имкониятига эга бўладилар.

Бу эса билимларни янада мустаҳкамлаш, янги фикрлар ва дунёқарашлар билан танишиш, шунингдек, глобал тармоқлар билан боғланиш имконини беради.

Талаб қилинадиган ҳужжатлар:

• Бакалавр дипломи нусхаси;
• 3 йилдан кам бўлмаган иш тажрибаси (бакалавр дипломидан кейинги);
• Тавсиянома;
• Паспорт ёки ID-карта нусхаси;
• IELTS, TOEFL сертификати (мавжуд бўлса).

Инглиз тили сертификатига эга бўлмаганлар учун кириш имтиҳонларида қўшимча инглиз тили фани тест синовларида қатнашадилар. Кириш имтиҳонлари Ўзбекистон Республикаси Олий таълим, фан ва инновациялар вазирлиги ҳузуридаги Билим ва малакаларни баҳолаш агентлиги томонидан ўтказилади.

Ҳужжат топшириш тартиби ва платформаси

Ҳужжатлар қабул қилиш жараёни тўлиқ онлайн шаклда амалга оширилади. Бунинг учун э-тингловчи платформаси орқали рўйхатдан ўтиб, барча ҳужжатларни юбориш мумкин.

Батафсил маълумотлар, қабул талаблари, ҳар бир йўналиш бўйича ўқув режалари ва дарс жадваллари билан танишиш учун расмий веб-сайтга ташриф буюринг:

 https://gsbe.uz

Мурожаат учун: +998 71-239-03-15, 71-239-03-03

Агар сиз юқори малакали, халқаро майдонда тан олинган, амалий билимга эга бўлган менежер, тадбиркор ёки етакчи бўлишни истасангиз — бу имкониятни қўлдан бой берманг!

Ўзгаришлар сари биринчи қадамни ташланг — келажакдаги ютуқларингиз айнан мана шу қарорингиздан бошланади!

Реклама ҳуқуқи асосида.