Кучли ирода, истеъдод, ожиза бўлишига қарамай, мақсад сари тиришқоқлик ва қатъиятлилик рамзи — Тангем образи нафақат ўзбек, балки бутун дунё телетомошабинлари қалбидан чуқур жой олган. XV аср, Чосон сулоласи ҳукмронлиги даврида яшаб ўтган қаҳрамонни XXI асрда ўз маромига етказиб ижро этиб бера олган актриса Ли Ён Э ҳозир 54 ёшда ва ҳали ҳам фаол ижод билан шуғулланади.

Ижоддаги илк қадамлар

Актриса ва модел Ли Ён Э 1971 йил 31 январда Жанубий Кореянинг Сеул шаҳрида дунёга келган. Бўлажак актриса немис тили бўйича бакалавр даражасини, шунингдек, Ханян университетида актёрлик бўйича магистр ва докторлик даражасини олган. У немис ва инглиз тилларини мукаммал билади.
Ли Ён ўз фаолиятини телевидениеда реклама ва сериалларда суратга тушиб бошлаган. 2000 йилда у Пак Чанукнинг “Бирлашган хавфсизлик зонаси” фильмида ҳарбий терговчи ролини ижро этган, фильмда у билан бирга Ли Бён Хон ва Сон Канхо ҳам суратга тушган. 2003 йилда актриса Ю Житҳаэ билан биргаликда “Бир баҳорда” мелодрамасида бош ролни ижро этган. Ушбу фильмдаги роли учун Ли Ён “Пусан кинотанқидчилари мукофоти”(Пусан Фильм Cритиcс Awards)нинг “Энг яхши актриса” номинациясига лойиқ деб топилган.
Шунингдек актриса “Хонимга раҳм қилинг: қасос” (2005), “Бирлашган хавфсизлик зонаси” (2000), “Бир баҳорда” (2001) каби фильмларда ва “Сарой жавоҳири” (2003-2004) телесериалида бош ролларни ижро этган. “Хонимга раҳм қилинг: қасос” фильмидаги роли учун Ли Ён “Мовий аждарҳо” мукофотининг “Энг яхши актриса” номинациясида ғолиб бўлган.
Машҳурликнинг чўққиси
2003 йилда Ли Ён Э тўқсонта мамлакатда уч миллиард киши томоша қилган машҳур корейс телесериали “Сарой жавоҳири”да бош ролни ўйнаган.

2005 йилда Гонконг аҳолисининг деярли ярми драманинг финал эпизодини томоша қилган, Хитойда эса драма кечаси намойиш этилганига қарамай, юз миллионлаб томошабинлар уни кузатган.

2005 йил, Венеция кинофестивалида Пак Чанукнинг қасос ҳақидаги трилогиясининг якуний қисмида Ли Ён бош ролни ижро этган “Хонимга раҳм қилинг: қасос” фильми тақдим этилди. Фильм кинофестивалида “Кичик олтин шер” мукофотини олди, Кореяда эса “Энг яхши актриса” ва “Энг яхши фильм” номинацияларида “Мовий аждарҳо” мукофотини қўлга киритди. 2006 йилда Ён Э Берлиндаги эллик олтинчи халқаро кинофестивалнинг ҳакамлар ҳайъати аъзоси бўлди. У Берлиндаги кинофестивалнинг ҳакамлар ҳайъатига таклиф этилган биринчи жанубий кореялик актриса эди.

Ли Ён Э хайрия ишлари билан ҳам фаол шуғулланади: 1997 йилда у “НПО”нинг хайрия элчиси сифатида Эфиопияга борган, 2004 йилда эса БМТнинг Болалар фонди — ЮНИСЕФнинг хайрия элчиси этиб тайинланган.

2014 йилда актриса “Энг буюк севги” номли автобиографик китобини нашр этган ва китобнинг сотилишидан тушган даромадни мактаблар ва касалхоналарга хайрия қилган.
10 йиллик севги ҳикояси

Машҳур актриса Ли Ён Э 2009 йил 26 августда Гавайи оролида корейс миллатига мансуб америкалик бизнесмен Чон Хойўн билан яширинча турмушга қурди, бу ҳақда унинг адвокатлари маълум қилди. Тўйда фақат икки ёшнинг оила аъзолари ҳамда яқин дўстлари иштирок этди.

Актриса турмуш ўртоғидан 17 ёш кичик бўлиб, улар тўйдан аввал 10 йил давомида учрашиб юришган. Куёв Иллинойс технология институти битирувчиси ва АҚШда IT соҳасида ишлайди. 40 ёшни қаршилаган актриса 2011 йилнинг февраль ойида ўғил ва қиз эгизак фарзандларини дунёга келтирди.

Актрисанинг ҳаёт ҳақидаги фикрлари

“Юздаги ажинлар қанча кўп бўлса, ҳис-туйғулар шунчалик чуқур бўлади. Мен қариётганимдан асло афсусланмайман.

Сўнгги 10 йил ичида мен турмушга чиқдим ва эгизакларни дунёга келтирдим, аёл сифатида мен кўплаб ўзгаришларни бошдан кечирдим. Шу сабабли ҳаётга бўлган қарашим ҳам ўзгарди ва бу менинг иштирок этишни истаган ишларни танлашда мезонимга айланди.
-eFHxO_qu.avif)
Актёрлик бу охир-оқибат, одамларни ўрганишдир”.

Ли Ён Э Ўзбекистон биринчи хонимидан миннатдорчилик мактубини олди

2017 йил 23 ноябрь куни Ўзбекистон президенти Шавкат Мирзиёев ва унинг рафиқаси Зироатхон Мирзиёева шарафига Жанубий Корея президенти қароргоҳида кечки овқат уюштирилди. Кечки овқатга санъат ва маданият арбоблари қаторида ўзбек томошабинларига “Сарой жавоҳири” сериалидаги Тангем образи орқали яхши таниш бўлган 46 ёшли актриса Ли Ёнг Э ҳам ташриф буюрди. Жанубий Корея матбуотининг ёзишича, кечки овқат вақтида “Сарой жавоҳири” сериалидаги Тангем тайёрлаган овқатлардан бири ҳам меҳмонларга тортилди. Маросимда сериалдаги “Онара” қўшиғи ҳам ижро этилди.
Ли Ён Э Ўзбекистон биринчи хонимидан ўзбекистонлик томошабинларига кўрсатган хизматлари учун миннатдорлик мактубини олди. Унинг агенти маълумот беришича, Ўзбекистон президенти Шавкат Мирзиёевнинг рафиқаси Зироатхон Мирзиёева актрисага июнь ойида юборган мактубида 2017 йилда суратга олинган ва Ўзбекистонда бепул намойиш этилиши учун муаллифлик ҳуқуқларини топширилган “Саймдан, ранглар хотираси” деб номланган юқори бюджетли Корея драмасини тақдим этишда ёрдам бергани учун миннатдорлик билдирган.

Биринчи хоним мактубида Лининг “Ўзбекистонда сериални намойиш этишга кўмаклашгани” ҳақида эшитишдан “жуда хурсанд” эканлигини ёзган. У актрисанинг бу ҳаракатини “аъло” деб атаган ва у “айниқса COVID-19 пандемияси даврида янада муҳим” эканлигини айтган. “Мен Лининг Ўзбекистонга бўлган меҳр-муҳаббатидан ҳар доим хурсандман ва миннатдорман. Лининг яхши ишлари бизни чуқур таъсирлантирди”, деб қўшимча қилган биринчи хоним.
2017 йилнинг январидан майигача Кореяда намойиш этилган сериалда Ли Ён Э Чосон даври хоними Шин Саймдан ролини ижро этган. У Корея тарихида санъат ва адабиётдаги истеъдоди, шунингдек, ҳурматли бека ва она сифатида намуна кўрсатган аёл ҳисобланади. “Саймдан, ранглар хотираси” деярли 22 миллиард вон (18,2 миллион доллар)га тушгани сабабли уни ишлаб чиқарувчи Group Eight даромад олиш мақсадида муаллифлик ҳуқуқларини халқаро бозорда сотишни бошлади.

Фирма, шунингдек, Ўзбекистонга ҳам муаллифлик ҳуқуқларини сотишга ҳаракат қилган, аммо Ли ўз раҳбарларини “муаллифлик ҳуқуқларини хайрия қилишга” кўндиришга “қаттиқ” ҳаракат қилган. Актриса, айниқса, Марказий Осиёдаги 600 000 этник корейс, шу жумладан, Ўзбекистондаги 200 000 кишини Корея ва унинг маданияти ҳақида драмалар орқали кўпроқ маълумот олишга ёрдам беришни хоҳлаган. У сериал Ўзбекистонда намойиш этилиши учун сериалнинг дубляж қилиниши ва бошқа тегишли чоралар учун шахсан 100 миллион вондан ортиқ маблағ сарфлаган.
Изоҳ (0)