Ўзбекистонда суғурта бозорининг барқарор ривожланаётган шароитида “Ўзбекинвест” компанияси ўз фаолиятининг асосий кўрсаткичлари бўйича барқарор ўсишни намоён этмоқда ва республикадаги суғурта соҳасидаги етакчи иштирокчилардан бири сифатида ўз мавқеини тасдиқламоқда.
2025 йилнинг I ярим йиллигида компания томонидан 709,1 млрд сўм миқдоридаги жами суғурта мукофотлари йиғими таъминланди, бу ўтган йилнинг шу даврига нисбатан 145% ўсишни ташкил этди.
Қайта суғурта мукофотлари бўйича жами йиғим 23,5 млн АҚШ долларини ташкил этди. Компания портфелида халқаро қайта суғуртанинг улуши 41% га тенг бўлди.
Маҳаллий экспортёр товар ва хизматлар учун 1,6 млрд АҚШ доллари миқдорида суғурта ҳимояси тақдим этилди.
Корпоратив сегментда суғурта мукофотлари йиғими 233,1 млрд сўмни ташкил этди, бу 2024 йилнинг I ярим йиллигига нисбатан 169 % ўсиш демакдир. Шу жумладан, инвестицион лойиҳаларни суғурталаш бўйича мукофотлар йиғими 33,2 млрд сўмни ташкил қилди.
Жисмоний шахсларни суғурталаш сегментида 58,7 млрд сўм миқдорида мукофотлар йиғилди, бу ўтган йилнинг шу даврига нисбатан 101% ўсиш демакдир.
Компания мижозлари сони 2024 йилнинг I ярим йиллигидаги 388 726 тадан 496 743 тага етди, яъни 127% ўсиш кузатилди. Жорий йилнинг биринчи ярмида юридик шахслар билан 14 307 та, жисмоний шахслар билан эса 482 436 та шартнома тузилди, бу ўтган йилнинг шу даврига нисбатан 128% кўпдир.
2025 йил июль ойи бошига келиб, “Ўзбекинвест” компанияси транспорт воситалари эгалари жавобгарлигининг мажбурий суғуртаси (ТВЭФЖМСҚ) бозорида етакчи ролини янада мустаҳкамлади. 6 ой давомида рақамли платформалар орқали 496 468 тадан ортиқ онлайн суғурта полислари расмийлаштирилди.
2025 йилнинг I ярим йиллиги мобайнида компания жисмоний ва юридик шахсларга 2 501 та суғурта ҳодисаси бўйича 59 млрд сўм миқдорида суғурта товонларини тўлаб берди.
Апрель ойида “Ўзбекинвест” компанияси халқаро “International Insurance Society” (IIS) – 90 дан ортиқ мамлакатдан 500 га яқин етакчи суғурта компанияларини бирлаштирган жамият аъзоси бўлди.
Май ойида эса компания Лондон суғурта бозорида фаолият юритаётган етакчи компанияларни бирлаштирган “The International Underwriting Association of London” (IUA) – халқаро андерайтинг уюшмаси аъзоси бўлди.
Компаниянинг мазкур халқаро ташкилотларга аъзо бўлиши Ўзбекистон жахон суғурта бозори майдонида ўз ўрнини топаётганидан далолат беради ва мамлакатнинг суғурта соҳасидаги позициясини мустаҳкамлайди.
Шунингдек, жорий йилнинг биринчи ярмида “Ўзбекинвест” компанияси Испаниянинг экспорт-кредит суғурта агентлиги “CESCE”, Италиянинг “SACE” экспорт суғурта компанияси, бир қатор испан ва италян суғурта ҳамда брокер компаниялари ва Словакиянинг экспорт-импорт банки – “Eximbankа СР” билан ҳамкорлик шартномаларини имзолади.
Шуни ҳам таъкидлаш жоизки, май ойида “A.M. Best Company” халқаро рейтинг агентлиги “Uzbekinvest” компаниясига “B” ва “bb” даражасидаги рейтингларни “барқарор” прогнози билан тасдиқлади.
Шу билан бирга, июнь ойида “Moody’s Ratings” халқаро рейтинг агентлиги “Uzbekinvest” компаниясининг молиявий барқарорлик рейтинги бўйича прогнозини “Ba2” даражасидаги “барқарор”дан — “Ba2” даражасидаги “ижобий”га кўтарди. Бу эса мамлакатнинг банк-молия секторидаги энг юқори кўрсаткичлардан бири ҳисобланади.
Реклама ҳуқуқи асосида
Изоҳ (0)