Исроилнинг Ғазо секторидаги ҳужумлари оқибатида бир кунда саккиз киши ҳалок бўлди. Бу ҳақда Al Jazeera хабар берди.
Аниқлик киритилишича, Нетзарим коридори яқинида дрон зарбаси оқибатида олти киши, Аш-Шаука шаҳрида эса дрон қулаши оқибатида бир аёл ҳалок бўлган. Яна бир одамнинг жасади Ғазо марказида ўқ жароҳатлари билан топилган.
2 март куни эса АҚШ президентининг махсус вакили Стивен Уиткофф томонларга шартноманинг янгиланган версиясини тақдим этди. Янги шартномага кўра, Трамп гаровга олинган 59 исроилликни озод қилишни сўраган. Исроил Америка ташаббусини дарҳол қабул қилган. Аммо ҲАМАС бу ташаббусни қатъиян рад этиб, илгари эришилган келишувларга амал қилишини эълон қилган.
Эртаси куни The Jerusalem Post газетаси ҲАМАС иккинчи босқич сулҳга рози бўлмаса, Исроил армияси Ғазода ҳарбий ҳаракатларни давом эттириши мумкинлигини хабар қилди.
Исроил ҳам анклавдаги электр энергиясини узиб қўйиш билан таҳдид қилган. 9 март куни Исроил энергетика вазири Эли Коэн Ғазо секторига электр энергияси етказиб беришни тўхтатишни буюрди.
Шундан сўнг, 11 март куни ҲАМАС можарони ҳал қилишнинг янги босқичига рози бўлди.
Изоҳ (0)