Isroilning G‘azo sektoridagi hujumlari oqibatida bir kunda sakkiz kishi halok bo‘ldi. Bu haqda Al Jazeera xabar berdi.
Aniqlik kiritilishicha, Netzarim koridori yaqinida dron zarbasi oqibatida olti kishi, Ash-Shauka shahrida esa dron qulashi oqibatida bir ayol halok bo‘lgan. Yana bir odamning jasadi G‘azo markazida o‘q jarohatlari bilan topilgan.
2-mart kuni esa AQSH prezidentining maxsus vakili Stiven Uitkoff tomonlarga shartnomaning yangilangan versiyasini taqdim etdi. Yangi shartnomaga ko‘ra, Tramp garovga olingan 59 isroillikni ozod qilishni so‘ragan. Isroil Amerika tashabbusini darhol qabul qilgan. Ammo HAMAS bu tashabbusni qat’iyan rad etib, ilgari erishilgan kelishuvlarga amal qilishini e’lon qilgan.
Ertasi kuni The Jerusalem Post gazetasi HAMAS ikkinchi bosqich sulhga rozi bo‘lmasa, Isroil armiyasi G‘azoda harbiy harakatlarni davom ettirishi mumkinligini xabar qildi.
Isroil ham anklavdagi elektr energiyasini uzib qo‘yish bilan tahdid qilgan. 9-mart kuni Isroil energetika vaziri Eli Koen G‘azo sektoriga elektr energiyasi yetkazib berishni to‘xtatishni buyurdi.
Shundan so‘ng, 11-mart kuni HAMAS mojaroni hal qilishning yangi bosqichiga rozi bo‘ldi.
Izoh (0)