Ғазо секторида гаровга олинган олти нафар исроиллик жасади топилиши ортидан Исроил мухолифати етакчиси Яир Лапид Биньямин Нетаньяху ҳукуматига қарши норозилик намойишлари ва умумий иш ташлашга чақирди.
“Нетаньяху ва ўлим кабинети гаровга олинганларни қутқармасликка қарор қилишди. Ҳукумат уларнинг ўлимлари учун жавобгардирлар”, деб ёзган Лапид Х тармоғида.
У, шунингдек, “юраги эзилган ҳар бир фуқарони” Тель-Авивдаги намойишда иштирок этишга чорлаган. У касаба уюшмалари, иш берувчилар ва маҳаллий ҳокимият органларини иш ташлашга чақирган.
1 сентябрь куни Исроилнинг энг йирик касаба уюшмалари федерацияси ҳукуматга босимни кучайтириш мақсадида умумий иш ташлаш эълон қилди. Касаба уюшмаси раҳбари Ҳистадрут Арнон Бар-Давид Ғазодаги гаровга олинганларни энди қийинчиликда қолдириш мумкин эмаслигини айтган.
“Мен фақат бизнинг аралашувимиз уйғонишга муҳтожларни уйғотиши мумкин деган хулосага келдим”, дейди Бар-Давид бош вазир Биньямин Нетаньяху ҳукуматига.
Аввалроқ Исроил армияси Рафаҳ яқинидаги ҳужум чоғида ҲАМАС томонидан ўғирлаб кетилган олти нафар гаровга олинган жасадни топган эди. Жасадлар ер ости туннелидан чиқариб, Исроилга олиб кетилган. Исроил нашри Ynet, суд-тиббий экспертиза хулосаларига таяниб, гаровга олинганларнинг охирги 48 соат ичида ўлдирилгани ҳақида хабар берган.
Ҳозирда 97 киши фаластинликлар қўлида гаровда қолмоқда, бироқ Исроил разведка хизматлари маълумотларига кўра, улардан 33 нафари ҳалок бўлган.
Изоҳ (0)