Кучли аёл тушунчаси метафора эмас. Голливуд юлдузлари орасида фильмлардаги кучли аёллар каби жанг қила оладиган, турли хил трюкларни амалга ошира оладиганлари ҳам бор. Қуйида ҳеч кимга ўзини хафа қилиб қўйдирмайдиган машҳур аёллар ҳақида сўз боради.
Жина Карано
Актриса Жина Карано Голливудда шуҳрат қозониш учун анча тер тўкди ва роллари учун катта меҳнат сарфлади. Жина болалигидан жанг санъатини яхши кўрарди, у ҳатто MMA бўйича жаҳон чемпиони унвонига сазовор бўлган. Актрисанинг бу жиҳати эътиборга олинди, унинг жанговар қобилияти қадрланди ва экранда ўзини синаб кўриш имконияти таклиф қилинди.
Ронда Раузи
Ронда ёшлигидан дзюдо билан профессионал тарзда шуғулланган. Натижада, Раузи аралаш яккакураш бўйича чемпион бўлди ва дунёдаги энг кўп маош олувчи спортчилардан бирига айланди. Шунингдек у фильмлар ва сериалларда рол ўйнайди.
Гал Гадот
Голливуд юлдузи Гал Гадот икки йил давомида Исроил армиясида спорт мураббийи бўлган. Актриса “Мўжизакор аёл” фильмида мураккаб трюкларни ўзи бажарган.
Люси Лю
Актриса Люси Лу пичоқ ва таёқларни моҳирона ишлатади. Люси узоқ вақт давомида кали, эскрима ва силат каби Жануби-Шарқий Осиё жанг санъатларини ўрганган. Умуман олганда, “Биллнинг қотили” ва “Чарли фаришталари” Лю фильмографиясида тасодифан пайдо бўлмаган.
Жессика Альба
Жессика кўп йиллар давомида таэквондони яхши кўрган ва ушбу спорт тури бўйича қора белбоғ соҳибасига айланган. Ҳозирда у фақат формасини сақлаб қолиш учун машқ қилишни давом эттирмоқда. Бундай маҳоратга эга актрисага тансоқчи ҳам керак эмас.
Изоҳ (0)