Falastinning HAMAS harakati AQSHning G‘azo sektorida o‘t ochishni to‘xtatish rejasini rad etdi. Isroil G‘azo sektoriga gumanitar yordamni Tramp ma‘muriyati bilan maslahatlashgan holda to‘xtatgani ma‘lum bo‘ldi. Bu haqida ABC News xabar berdi.
Biz AQSH maʼmuriyatini jinoyatchi Netanyaxuning fashistik rejalarini qo‘llab-quvvatlashni to‘xtatishga chaqiramiz, deyiladi HAMAS matbuot xizmati bayonotida.
HAMAS 19-yanvardan kuchga kirgan sulh shartlariga sodiqligini yana bir bor tasdiqladi. Isroil va HAMAS o‘rtasida o‘t ochishni to‘xtatish bo‘yicha kelishuvning birinchi bosqichi 1-mart oqshomida yakunlandi. Isroil bosh vaziri Binyamin Netanyaxu 2-bosqich muzokaralar boshlanganini aytdi. U G’azo sektoriga olib borilayotgan barcha insonparvarlik yordamlarini to‘xtatib qo‘ydi.
Yahudiy manbalariga ko‘ra, “Isroilning G‘azoga yordamni to‘xtatish qarori Tramp ma’muriyati bilan kelishilgan”. Isroil G’azoga o’t ochishining asosiy sabab sifatida garovga olinganlar masalasini qo’ymoqda.
Isroil garovga olinganlarni ozod qilmasdan turib, o‘t ochishni to‘xtatishga yo‘l qo‘ymaydi. Agar HAMAS rad etishda davom etsa, bundan keyingi oqibatlar yomonroq bo’lishi mumkin, deyiladi Isroil hukumati bayonotida.
2-mart kuni tomonlar kelishmovchilikni bartaraf etishning iloji yo‘qligi ta’kidlab, urushni 20-aprelgacha, musulmonlarning muqaddas Ramazon oyi va Pasxa bayrami munosabati bilan to’xtatishga qaror qildi.
Shu kuni birinchi bosqich muzokaralar yakunlagani sabab garovga olinganlarning yarmi ozod qilindi va halok bo‘lganlarning ba'zi jasadlari qaytarilishi aytildi. Isroil bayonotiga ko’ra, doimiy o‘t ochishni to‘xtatish kelishuvidan so‘ng, qolgan tirik garovdagilar ozod qilinadi va qurbonlarning jasadi esa topshiriladi.
Isroil—Falastin bitimi
2025-yilning 19-yanvar kuni Isroil va HAMAS o‘rtasida o‘t ochishni to‘xtatish to‘g‘risidagi kelishuv imzolandi. Bitim natijasida HAMAS Isroil tomoniga 33 nafar garovga olinganlarni topshirgan. Isroil esa armiyasini G‘azo sektori hududlarining aksariyat qismidan olib chiqqan. Faqatgina G’azo sektori va Misr o‘rtasidagi Filadelfiya yo‘lagida, shuningdek, Falastin eksklavi va Isroil chegarasidagi maxsus bufer hududida harbiy mavjudligini saqlab qolgan.
Bitim ikki tomonning kelishuvi asosida 3 bosqichda amalga oshirilishi rejalashtirilgan. Bundan tashqari kelishuvning ikkinchi bosqichi garovga olinganlarning barchasini topshirishga, uchinchi bosqichi esa G’azoning urushdan keyingi tiklanishiga qaratilgan.
Izoh (0)