Исроилнинг Рафаҳга ҳар қандай қуруқлик ҳужуми гаровга олинганларни озод қилиш бўйича музокараларни тўхтатади. Бу ҳақда ҲАМАСнинг юқори мартабали амалдорига таяниб, Al-Arabiya хабар берди.
Исроил бош вазири Биньямин Нетаньяхунинг идораси ҳарбийларга Рафаҳни эвакуация қилиш режасини ишлаб чиқиш ва у ерда жойлашган ҲАМАСнинг тўртта батальонини йўқ қилишни буюрган.
Рафаҳ Исроил ҳужуми пайтида Ғазо сектори шимолидан эвакуация қилинган 1,3 миллиондан ортиқ фаластинлик учун бошпана ҳисобланади. У Миср билан чегарада жойлашган. Нетаньяху Исроил кучлари ҲАМАС таклиф қилган 135 кунлик ўт очишни тўхтатиш бўйича музокарага рози бўлмаган эди ва Исроил ҳарбийлари “тўлиқ ғалаба”га қадар жанг қилишини айтган.
Исроил ҳарбийлари Ғазо шаҳарларига олдинги ҳужумларида тинч аҳолини Рафаҳга кўчишга буюрганди, аммо шаҳарга ҳужум бошланса, фаластинликларнинг борар жойи йўқ. Бу аҳоли орасида ўлим даражасини ошишига олиб келиши кутилмоқда.
Изоҳ (0)