Дэниел Рэдклиффнинг жавобсиз муҳаббати, кулгили сёмка жараёнлари: “Гарри Поттер”да саҳна ортида қолган қизиқарли воқеалар

Ёш сеҳргарлар мактаби ва у ердаги ўқувчиларнинг саргузаштлари ҳақидаги фильмни кўрмаган ёки у ҳақда эшитмаган инсонни топиш мушкул. “Гарри Поттер” франшизаси болалар ва катталар бирдек мириқиб томоша қиладиган асарлардан биридир. Мазкур фантастик фильмни яратиш учун тасвирга олиш жамоаси жуда кўп тер тўккан.

Кулгили суратга олиш ишлари

Руперт Гринт ва Дэниел Рэдклифф қаҳрамонларини шунчаки ўйнамасдан, балки улар билан яшайди. Бу эса уларга қийинчиликлар туғдиради, айниқса, улар ёш актёрлар бўлгани туфайли. Рон билан Гарри “Хогвартс Экспресс”да бирга кетадиган кадрда режиссёр Крис Коламбус уларни алоҳида-алоҳида суратга олишга мажбур бўлади. Руперт Дэниел ўтирган купега яқинлашиши билан ўзини кулгидан тўхтата олмасди, Рэдклифф ҳам унга қараб кулиб юборарди. Охир-оқибат Коламбус аввал Рупертни, кейин эса Дэниелни суратга олади.

Эванна Линч жуда ҳаяжонланади

“Ҳикматлар тоши”даги кўплаб актёр болалар Жоан Роулинг китобларининг мухлислари эди, шунинг учун фильм устида ишлаётганда улар кўпроқ ҳаяжонланишарди. Кейинги фильмларда янги актёрлар орасида мухлислар тобора камайиб, профессионал актёрлар кўпайиб борди. Бироқ Эванна Линч бундан мустасно эди. Унга “Гарри Поттер”да иштирок этиш эришиб бўлмайдиган орзудек туюлган. Бироқ бу орзу Линч бир қатор кастинглардан муваффақиятли ўтиб, Полумна Лавгуд ролини қўлга киритганида амалга ошди. Эванна хурсанд бўлиш ўрнига ўзига ишончи йўқлигидан хавотирланади. Линч узоқ вақтгача янги шароитга кўника олмай, ўзини суратга олиш майдончасига кириб қолган мухлисдек ҳис қилади. У ўз ҳамкасбларида кумирларни кўрар ва уларга шунга яраша муносабатда бўларди.

Дэниел Рэдклифф Ҳелена Бонем Картерни севиб қолган

Ҳелена Бонем Картер қаҳрамони Беллатрикс Лестрангнинг даҳшатли гримида ҳам кўплаб ҳамкасбларидан чиройлироқ кўринарди. Эҳтимол, шу сабаб Дэниел Рэдклифф бирга ишлаш давомида Ҳеленага ошиқ бўлиб қолади. Бахтга қарши, бу муҳаббат бир томонлама бўлиб, Ҳелена аллақачон режиссёр Тим Бёртон билан муносабатда эди.

Эътиборлиси, актриса ҳамкасбининг ҳис-туйғуларидан хабари бўлган. “Гарри Поттер 20 йилдан сўнг: Хогвартсга қайтиш” ҳужжатли фильмини суратга олиш жараёнида Картер Дэниел ёзган эски хатни олиб келади. Унда Дэниел актрисанинг қаҳвасини ушлаб туришдан хурсанд бўлганини ва 10 йил олдинроқ туғилмаганидан афсусда эканини ёзганди.

Жейсон Айзекс Жоан Роулингдан Люциусни Азкабандан озод қилишни сўрайди

Жейсон Айзекс “Гарри Поттер”даги қаҳрамонини шунчалик яхши кўриб қоладики, у сюжетга унчалик таъсир кўрсатмагани учун сўнгги иккита фильмда рол ўйнамасликка қарор қилади. Айзекс китобларни ўқиган ва Люциус Азкабанга олиб келинганини биларди. Шундан сўнг у Роулинг билан учрашади ва Люциусни Азкабандан чиқариб олишни ёлвориб сўраб, ҳатто тиз чўкади. Жейсон Жоан унинг илтимосини бажарганини билгач, у сўнгги фильмга қайтишга рози бўлади.

Дэниел Рэдклиффнинг ёрқин, аммо машаққатли роли

Баъзи саҳналарини томоша қилаётганда кўпчилик томошабинлар бу ролларнинг барчасини Дэниел Рэдклиффнинг ўзи ижро этганини билишмайди. Яъни у ўзини Гаррига ўхшатаётган Гермиона, шунингдек, Рон, эгизак Уизлилар ва бошқалар ролини ўйнайди. Дэниелга эса осон бўлмайди — суратга олиш ишлари чўзилиб кетади, чунки ҳар бир Гаррига ўзига хос ёндашув керак эди ва охир-оқибат 90 та дубль суратга олингандан кейингина иш якунланади.

Дэниел Рэдклиффга бошқа актёр овоз берган

“Ҳикматлар тоши” фильмидаги Гарри Поттер ҳамма саҳналарда Дэниел Рэдклифф овозида гапирмаслигини ҳамма ҳам билмайди. Гап шундаки, суратга олиш жараёни тугаши билан фильм ижодкорлари катта муаммога дуч келишади – Дэниелнинг овозида салбий ўзгаришлар бошланади. Натижада “Талафот” ва “Докторлар” сериалларида суратга тушган Жо Сауэрбутцни танлашади. Жо турли саҳналарда, жумладан, квидич ва “Тақиқланган ўрмон” саҳналарида актёрга овоз беришига тўғри келади.

Эмма Уотсон зинадан йиқилиб тушади

Бир куни нафақат Дэниел Рэдклифф, балки Эмма Уотсон ҳам узоқ вақт ишлашга мажбур бўлади, ниҳоят Рон билан муносабатлари билан боғлиқ бурилиш нуқтасидаги саҳнани ижро қилади. Гермионанинг  баллда пайдо бўлиши Роннинг Гермионага бефарқ эмаслигини тушуниб етишига сабаб бўлади. Бу саҳнанинг аҳамиятини барча тушунарди, айниқса, Майк Ньюэлл Эмма Уотсонни дубль кетидан дублга тушишга мажбур қилган. Актрисанинг ўзи тан олганидек, Майкка ҳар бир дублда ҳеч бўлмаганда битта детал ёқмасди: у ё жуда тез, ё жуда секин пастга тушарди, унинг юзи жуда қувноқ ёки жуда бефарқ эди. Навбатдаги дубль пайтида Эмма кўйлагига ўралашиб, қоқилиб, пастга думалаб кетади.

Драко йиғлаган, лекин бу фильмга киритилмаган

Том Фелтон ва Жейсон Айзекснинг “Махфий ҳужра”даги биринчи учрашуви улар биргаликда биринчи саҳнани ўйнашлари керак бўлган пайтда бўлади. Ушбу парчада Драко қўлларини қандайдир буюмга чўзади, шунда Люциус унинг қўлига ҳассаси билан яшин тезлигида уради ва ҳеч нарсага тегмасликни буюради. Бироқ Айзекс ҳассасининг Томни урган жойида иккита ўткир тиши борлигини билмасди. Кўзлари ёш ва аламга тўла 11 ёшли Фелтон унга қарайди. Жейсон дарҳол кечирим сўрайди. Том жасорат билан бу саҳна учун яхши эканини айтади, аммо кейинчалик бу кадр кесиб ташланади.