Дунёга машҳур актёрлар кўпинча маълум бир образда томошабин кўз ўнгида муҳрланиб қолади ва актёрни бошқа ролда тасаввур қилиш қийиндек туюлади. Аслида, муваффақиятга эришган актёрларнинг барчаси ҳам орзусидаги ролни ижро этмаган. Севимли қаҳрамонларимизни ўйнаган актёрлар бутунлай бошқа сюжетда ўзини синаб кўришни исташи бунга яққол мисолдир.
Kиaну Ривз – Росомаха
Маълум бўлишича, узоқ йиллар давомида кино саноатида ишлаб келаётган Kиaну Ривз Росомаха ролини ижро этишни доим истаган. Шундай бўлса-да, у режиссёрлар танловини ҳурмат қилади ва Ҳью Жекман ушбу ролни профессионал тарзда ижро этганини эътироф этади. Marvel студияси директорининг айтишича, Kиaнуга сўнгги вақтларда кўплаб роллар таклиф этилган. Балки, тез орада актёрни Marvel оламида учратармиз?
Том Ҳолланд – Жеймс Бонд
Том Ҳолланд ёшлик чоғидан Ўргимчак-одам ролини ўйнашни истаган ва ўз мақсадига эришган иқтидорли актёрдир. Агар Жеймс Бонднинг ёшлигини ўйнаш имконияти туғилса, у албатта ушбу ролни ижро этишга тайёр эканлигини билдирган.
Скарлет Йоханссон – Disney маликаси
Сўнгги йилларда Скарлет Йоханссон кучли ва жанговар аёл образларида суратга тушиб келмоқда. Disney фильмларида роль ўйнаш фикри актрисада узоқ вақт аввал пайдо бўлган. Скарлетнинг қизи онасини малика образида кўришни илтимос қилганидан сўнг актриса Disney’га мурожаат қилган. Аммо афсуски, ҳозирча Disney’дан ҳеч қандай таклиф келиб тушмаган.
Уилл Феррелл – Саймон Коуэлл
Комик актёр Уилл Феррел “X-factor”, “Америcан идол” каби телешоу жюри аъзоси ролини ўйнаш истаги борлигини айтган. Бундай роль актёрга қийинчилик туғдирмайди. Ахир ташқи кўринишни грим орқали Саймон Коуэллга ўхшатиш қийин эмас.
Женнифер Лоуренс - Бриджит Жонс
Женнифер Лоуренс ҳаётда камтар инсон бўлиб, орзусидаги роль ҳам шунга мутаносиб: у Бриджит Жонсни севиб томоша қилади. Актриса ҳар сафар уйини соғинганда ёки кайфияти йўқлигида Бриджит Жонс марафонини уюштиришини тан олди. Женнифер Рене Зеллвегернинг ролни яхши ижро этганини тан олади, аммо баъзида, Лоуренс Бриджит Жонс фильмлари ҳеч қачон суратга олинмаса, ролни ўзим ўйнаган бўлардим, деб ҳазиллашади.
Гугу Мбата-Роу –— Клеопатра
Инглиз актрисаси Гугу Мбата-Роу болалигидан тарихий лидер аёл Клеопатрани жуда ҳурмат қилади. У келажакда Клеопатра ҳукмронлигига бағишланган ёки Миср маданиятига оид тарихий фильмда ўйнаш учун ҳамма нарсага тайёр эканлигини айтган.
Дэниел Рэдклифф – Ўргимчак-одам
Гарри Поттер роли билан мухлислар меҳрини қозонган Дэниел Рэдклифф яқин келажакда бирор супер қаҳрамон ролини ижро этишни хоҳлашини тан олди. Мазкур роль Том Ҳолландга берилганидан бир оз ранжиган бўлса-да, Marvel студиясининг бошқа лойиҳаларида иштирок этишга қарши эмас. Фақат лойиҳа “Гарри Поттер”га ўхшаб узоқ йиллар давом этадиган франшиза бўлишини истамайди.
Изоҳ (0)