Киану Ривз Голливуддаги энг меҳрибон ва камтар актёр эканини исботловчи ҳолатлар

Кианунинг экрандаги ёрқин роллари унга бутун умрга етгулик бойлик олиб келган, лекин пул актёрнинг инсонийлигига путур етказмаган. Киану кичик квартирада яшайди ва йиллар давомида бир хил кийимларда юришдан уялмайди. Бундан ташқари, актёр ҳисобидаги катта миқдордаги пулларни хайрия ишларига йўналтирилиши барчага маълум.

У метрода юриб, одамларга жой беради

Катта шаҳарларда метро энг қулай транспорт воситаси бўлса-да, кўплаб Голливуд юлдузлари шахсий ҳайдовчиси бўлган автомобиллардан фойдаланади. Бироқ Киану Ривз бошқача йўл тутади. У “Константин: зулмат ҳукмдори”, “Тезлик”, “Тўлқинларни бўйсундириб”, “Иблис адвокати” ва “Матрица” трилогияси каби фильмлари билан катта шуҳрат қозонган бўлса-да, метрода юради.

Киануни янада машҳур қилган “Жон Уик” фильмининг премерасидан бир неча ой ўтгач, уни яна метрода кўришди. Ўз ўрнида жимгина ўтириб, эшиклар очилгандан сўнг, кимнидир излаётгандек атрофга қарай бошлади. Ривз катта сумкали аёлни кўриши билан камтарлик билан унга яқинлашиб, унга жой берди. Кундалик ҳаётда оддий инсоннинг жамоат транспортида ўз ўриндиғини бошқага бўшатиб бериши одатий ҳол бўлса-да, Голливуд юлдузининг бундай қилаётганини камдан-кам учратиш мумкин, шунинг учун мухлислар машҳур актёрга яна бир бор қойил қолишди.

Киану қизлар билан суратга тушаётганда масофа сақлайди

Киану Ривз учун машҳур актёр сифатида фотосессия ҳаётнинг бир қисмидир ва у тез-тез фотосуратларини аёл ҳамкасблари билан баҳам кўради. Аммо эътибор берсангиз, Киану камера қаршисида туриб, қизларни қучоқлагандек суратга тушса ҳам, қўлини уларга теккизмайди.

Баъзилар буни бир вақтлар ўзларини ҳақоратланган актрисалар томонидан продюсерлар ва актёрларга кўплаб айбловлар қўйилгани билан боғлашади. Бироқ Киану буни анча олдин бошлаган. Ривз шунчаки қизларнинг шахсий ҳудудини қадрлайди ва чегаралардан ўтишга йўл қўймайди.

Ривз 9 ёшли мухлисини хурсанд қилган

Актёрлар кўпинча соатлаб дастхат тарқатишга мажбур бўлишади. Шу сабабли кўп актёрлар мухлисларига имзо қўйиб, бу ишни тезроқ якунлаш учун ўзларини уларни ёқтирмагандек тутишлари кўп кузатилади. Аммо бу Киану Ривзга тегишли эмас. 2019 йилда у “Ўйинчоқлар тарихи 4” фильмида Дюк Бубумснинг каскадёр ўйинчоғига овоз берган ва мультфильмга бағишланган дастхат бериш сессиясига келади.

Мухлисларидан бири 9 ёшли Ной исмли бола бўлиб, унинг олдига келиб: “Мен сизнинг ашаддий мухлисингизман. Сиз бутун дунёдаги энг севимли актёримсиз. Сиз энг зўрсиз!”, дейди.  Ривз шунчаки “раҳмат” дейиш билан кифояланиб қолмай, Дюкнинг овозида гапириб, Нойни хурсанд қилади.

Киану Ривз болалар шифохоналарига билдирмай хайрия қилади

Актёрлар орасида хайр-эҳсон қилиш жуда кенг тарқалган. Киану Ривз ҳам хайрия жамғармаси бор, бироқ ҳеч ким уни машҳурлик учун қиляпти деб ўйламаслиги учун актёрнинг исми унда кўрсатилмаган.

Ривзнинг ўзи айтганидек, жамғарма 6 йилдан бери мавжуд ва шу вақт ичида болалар шифохоналари ва янги дори-дармонларни излаётган олимларга бир неча бор ёрдам берган.

Ривз икки каскадёрни “тирик қолдирган”

Маълумки, Киану Ривз суратга тушаётган жангари фильмлар каскадёр ва дублёрларига ҳурмат билан муносабатда бўлади, аммо “Жон Уик 3” фильмининг охирида иккита шиноби ролини ўйнаган Чечеп Ариф Раҳман ва Яян Рухянга муносабати янада ўзига хос. Актёр улар билан узоқ репетициялар ва суратга олиш ишларида бирга ишлади. Kiaнга улар билан ишлаш шунчалик ёқадики, у сценарийга озгина ўзгартириш киритиб, уларнинг тирик қолишига имкон беради.

Шундай қилиб, Чечеп Ариф Раҳман ва Яян Рухян Киану Ривзнинг Жон Уик билан тўқнашувдан омон қолган кам сонли “душманлари”дан бирига айланишади.

Киану нотаниш одамни деб 80 километр нотўғри йўналишда йўл босган

Киану метрода юришига қарамай, бир вақтлар мухлисаларидан бири ҳайдаган Porsche 911 автомобилидан фойдаланиб туради. Бир куни Ривз йўлда кетаётганида машинаси бузилган қизни кўриб қолади. У тўхтаб, эвакуатор чақирди ва қизнинг машинасини олиб кетгунча кутиб туради.

Кейин Киану қизни ўзининг Поршига ўтқазиб, уни қарама-қарши томонда жойлашган уйига олиб боради. У 80 километр йўл юриб, бурчини бажарганини ҳис қилиб, янада кўпроқ хайрли ишлар қилиш учун орқага қайтди.

Киану Ривз каскадёрларга эсдалик совғалар улашади

Киану Ривз ўзи билан ишлайдиган каскадёрларга катта ҳурмат билан муносабатда бўлади ва буни амалда ҳам кўрсатади. “Матрица” фильми суратга олингандан сўнг, у каскадёрларга 12 та Ҳарлей-Давидсон мотоциклларини совға қилади. Йиллар ўтиб эса “Жон Уик 4” каскадёрларига тўртта Ролекс соатини ҳадя қилади. Бу соатларнинг барчасида “Жон Уик бешлиги. Раҳмат сенга. Киану. “Жон Уик 4”. 2021” жумласи ўйиб ёзилганди.