80-90 йилларнинг экшн фильмларида Чак Норрис, Жан-Клод Ван Дамм каби кўплаб актёрлар экранларда ўктам жангчи сифатида намоён бўлган. Аммо улар ҳаётда қизлари учун меҳрибон ва ғамхўр ота бўлиб қолади.
1. Жеки Чан
Жеки Чан — жанг санъати устаси, актёр ва режиссёр сифатида дунёга машҳур. У 1954 йилда Гонконгда туғилган. Чан ўзининг фильмларидаги хавфли трюкларни каскадёрсиз бажаргани билан ажралиб турган. Дастлаб у ватани Хитойда шуҳрат қозонди, кейин унинг донғи бутун дунёга тарқалди.
Унинг икки фарзанди бор: ўғли Жейси ва унинг никоҳдан ташқари туғилган қизи Этта Инг 1999 йилда таваллуд топган, унинг онаси Элайн Инг Гонконгда таниқли актриса ва гўзаллик танловининг ғолиби бўлган. Жеки Чан ва Элайн Инг ўртасидаги муносабатлар қисқа муддатли бўлган ва кўп ўтмай Этта дунёга келган. Чан бу муносабатни хато деб атаган бўлса-да, қизининг борлигини тан олган.
Этта болалигидан оммавий ахборот воситалари эътиборида бўлган. Бироқ Жеки Чан унинг тарбиясида иштирок этмаган ва моддий жиҳатдан ҳам қизига ёрдам бермаган. ДНК тестидан кейин ҳам Чан уни тан олмаган ва ўз таржимаи ҳолида қизи ҳақида гапирмаган.
2. Чак Норрис
Машҳур жанг санъати устаси Чак Норрис етти нафар фарзандни тарбиялаган, ҳозирда актёрнинг 13 нафар набираси бор. Биринчи никоҳда Норрис икки ўғил кўрди. Иккинчи никоҳда эса бир қиз ва эгизак ўғилли бўлди. Актёрнинг никоҳсиз туғилган қизи ҳам бор. У иккинчи хотинининг икки нафар фарзандини ўз қарамоғига олган.
Дина 1963 йилда туғилган, аммо Норрис у ҳақида фақат 1991 йилда, қизи отасига хат ёзганида билган. Актёрнинг сўзларига кўра, улар илк бор кўришганда отага ДНК тести ҳам керак бўлмаган. Ўша куни у улғайган қизини бағрига босиб, уни бутун умри давомида танигандек ҳис қилган.
Эгизак болалар — Денили Келли ва унинг акаси Чак Норрис системасида машқ қилгач, қора камарга эга бўлишган.
3. Жан-Клод Ван Дамм
Актёрнинг уч фарзанди бор: биринчи турмушида бир ўғил ва бир қиз, иккинчи турмушида эса яна бир ўғил дунёга келган. Бянка Бриджит Ван Дамм — отасининг фахри. У 1990 йил 17 октябрда туғилган. Бянка болалигида фигурали учиш спорти билан шуғулланган ва профессионал спортчи бўлишни мақсад қилган. Бироқ жароҳатлар туфайли бу фаолиятини давом эттира олмаган. У отаси сингари жанг санъатларига қизиқиш билдириши ҳақида кўп ёзилади, лекин у жанговар ролларга эмас, кўпроқ кино саноатида актриса ва продюсер сифатида фаолият юритишни афзал кўради. У интервьюларда жанговар жанрдан кўра драматик ва сценарий асосида чуқур ишланган ролларга қизиқишини таъкидлаган. Шунингдек, у соғлом турмуш тарзи ва фитнес билан шуғулланишга катта эътибор беради.
4. Арнольд Шварценеггер
“Темир Арни” нинг беш нафар фарзанди, шу жумладан иккита қизи бор: Кетрин ва Кристина собиқ рафиқаси Мария Шрайвердан дунёга келган. Кетрин Шварценеггер 1989 йилда туғилган. У ёзувчи ва жамоат арбоби. Кетрин актёр Крис Претт билан турмуш қурган ва кино саноатида ҳам фаолдир. Кристина Шварценеггер эса 1991 йилда туғилган. У продюсер ва медиа соҳасида ишлайди. Шунингдек, руҳий саломатлик ва гиёҳвандлик муаммолари бўйича ҳужжатли фильмлар ҳам суратга олган.
Ота-оналари ажрашганига қарамай, иккала қиз ҳам оталари, ҳам онаси, ҳам акалари билан илиқ муносабатларни сақлаб қолган. Шварценеггернинг фарзандларидан бири никоҳдан ташқарида уй бекаси Патрисия Баенадан туғилган Жозефдир. Айнан шу сабабли актёр аёли билан ажрашган эди. Жозеф фитнес ва бодибилдинг соҳасида ишлайди. У ижтимоий тармоқларда машҳур бўлиб, отасига ўхшашлиги билан кўп эътиборни тортади.
5. Силвестр Сталлоне
Сталлоненинг беш фарзанди бор: икки ўғил ва уч қиз. Биринчи никоҳда ўғиллар, учинчи никоҳда қизлар туғилган. Қизлар актёрни қаттиққўл ота сифатида таърифлайдилар: Сталлоне қизларининг эркинлигини чеклаган, уларга қатъий кундалик тартиб ўрнатган, ўғил болалар билан дўстлашишни тақиқлаган ва фақат 18 ёшдан кейингина машина ҳайдашга ижозат берган.
Эндиликда қизлар ота-оналарининг уйида яшамайди, аммо оталарининг таъсири остидан ҳам чиқмайди: Силвестр фарзандларини бошқаришда тўхтамаган. Унинг фикрича, ҳозирги йигитларнинг аксарияти актёрнинг пули туфайли уларга уйланишни истайди, куёвликка бошқа номзодлар эса бўлажак қайнотасининг қаҳридан қўрқади.
6. Брюс Уиллис
“Ўтда ёнмас” қаҳрамони беш нафар қизнинг — Румер, Скаут, Таллула, Мейбел ва Эвелин исмли қизларнинг бахтли отаси. Биринчи уч надир фарзанди актриса Деми Мур билан никоҳда туғилган, кичик қизлари эса актёрнинг модел Эмма Хеминг билан никоҳида дунёга келган.
Румер фильмларда суратга тушади (ҳозирда унинг фильмографиясида ўндан ортиқ лойиҳа бор), Скаут шоу-бизнесдан йироқда, Талула эса актрисалик карьерасидан воз кечиб, дизайнерлик соҳасига ўтган. Мейбел ва Эвелин эса 12 ва 10 ёшда. Улар мактабда теҳсил олади.
Ҳозирда барча қизлар отасининг саломатлигига қатъий эътибор қаратмоқда: 2022 йилнинг март ойида актёр Брюс Уиллиснинг оила аъзолари унинг ижодий фаолияти якунига етгани, Голливуд юлдузида афазия — бош мия қобиғи шикастланиши натижасида юзага келадиган нутқ бузилиши ҳамда деменция аниқланганини маълум қилган эди.
Изоҳ (0)