Дунёда ўз асосчилари фамилияларини абадийлаштирган кўплаб автомобиль маркалари мавжуд. Ferrari, Lamborghini, Ford, Buick, Chevrolet, Opel, Pagani, Renault, Citroen. Бу рўйхатни автомобиль мделлари билан ҳам бемалол давом эттириш мумкин.
Ferrari Enzo
- Двигатель: 6,0 литрли В12 (Ф140 Б)
- Қуввати: 660 от кучи (492 кВт)
- 0–100 км/соат: 3,6 сония
- Максимал тезлиги: ~350 км/соат
- Узатувчи қути: 6 поғонали F1-style яримавтомат (паддле-шифт)
- Оғирлиги: 1 365 кг (карбон толали шасси ва кузов)
Ferrari Enzo — Ferrari компаниясининг энг машҳур ва энг кам ишлаб чиқарилган гиперкорларидан бири бўлиб, 2002 йилда бренд асосчиси Энзo Феррари шарафига чиқарилган.
Ferrari Enzo — Ferrari’нинг 21-аср бошидаги флагман модели бўлиб, ундан кейин LаFerrari, аввал эса 40 ва F50 чиққан. Машина оддий мижозларга сотилмаган — Ferrari ўзи танлаган энг содиқ ва машҳур мижозларга таклиф қилган.
Сўнгги 400-автомобиль Папа Иоанн Павел II га совға қилиниб, хайрия аукционида сотилган. Бугунги кунда Enzo’ларнинг нархи коллексионерлар орасида 3–4 миллион долларгача кўтарилган.
Ferrari Dino
- 2,0 литрли V6 двигатель
- 180 от кучи
- Тўлиқ алюминий кузов
- 0–100 км/соат: ~7,0 сония
- Максимал тезлик: ~235 км/соат
Альфредо Феррари (1932–1956), лақаби Дино, Энзo Феррарининг ягона ўғли эди. Дино муҳандисликка қизиққан ва Ferrari учун V6 двигатель лойиҳаси устида ишлаган. У 24 ёшида мушак атрофияси туфайли вафот этган. Унинг орзуси бўлган V6 моторли спорткар, шунингдек унинг хотирасини абадийлаштириш мақсадида Dino номи билан чиқарилади.
Dino номи остида ҳам пойга, ҳам йўл автомобиллари ишлаб чиқарилган. Йўл автомобилларига олти цилиндрли 206 GТ, шунингдек 246 GТ ва GTS киради. Бугунги кунда Dino 246 GТ/GTS классик автомобиль бозорида жуда қадрланади ва қиймати 400–600 минг долларгача етади.
McLaren Senna
- Двигатель: 4,0 литрли тwин-турбо V8 (М840ТР)
- Қуввати: 800 от кучи (588 кВт)
- Момент: 800 Нм
- 0–100 км/соат: 2,8 сония
- 0–200 км/соат: 6,8 сония
- Максимал тезлик: ~340 км/соат
- Оғирлиги: 1 198 кг (McLaren тарихидаги энг енгил йўл автомобили)
- Тормозлар: Карбон-керамик, F1 технологияси асосида
“Бразилиялик сеҳргар” ва “Ёмғир одами” лақабларини олган, Формула-1 бўйича уч карра жаҳон чемпиони Айртон Сенна шарафига номланган. Айртон Сенна 1988–1993 йилларда McLaren учун пойгалашиб, F1 тарихидаги энг буюк ҳайдовчилардан бири сифатида тан олинган. McLaren Аutomotive’нинг энг агрессив ва пойга-йўналтирилган гиперкори бўлиб, 2018 йилда тақдим этилган.
Lamborghini Gallardo LP550−2 Valentino Balboni
- Двигатель: 5,2 литрли V10, табиий атмосферали
- Қуввати: 550 от кучи (405 кВт)
- Момент: 540 Нм
- Узатувчи қути: 6 поғонали механик ёки роботлаштирилган E-gear
- 0–100 км/соат: 3,9 сония
- Максимал тезлик: 320 км/соат
- Оғирлиги: 1 380 кг (стандарт Gallardo’дан ~120 кг енгил)
Lamborghini Gallardo LP550-2 Valentino Balboni — Lamborghini тарихидаги энг ўзига хос ва коллекционерлар орасида жуда қадрланадиган махсус модел. У 2009 йилда тақдим этилган бўлиб, бренднинг афсонавий тест-пилоти Валентино Балбони шарафига чиқарилган.
Балбони 1968 йилдан бошлаб Lamborghini’да ишлаган ва 40 йилдан ортиқ вақт давомида барча асосий моделларни синовдан ўтказган, компаниянинг “юраги” сифатида танилган. Бу модел унинг нафақага чиқишига бағишланган эди.
Bugatti Divo
- Двигатель: 8.0 литрли W16, тўрт турбинали
- Қувват: 1500 от кучи
- Максимал тезлик: тахминан 380 км/соат (Chiron’дан паст, лекин бурилишларда тезроқ)
- 0–100 км/соат: ~2,4 сония
Bugatti Divo — бу французнинг ҳашаматли ва юқори тезликдаги гиперкари бўлиб, Bugatti Chiron платформасида яратилган. Машина 2018 йилда тақдим этилган ва фақат 40 дона ишлаб чиқарилган. Модель номи машҳур француз пойгачиси Алберт Диво шарафига қўйилган.
Divo Chiron’га нисбатан энгилроқ ва аэродинамик жиҳатдан мукаммалроқ. Катталаштирилган орқа споилер, янги ҳаво йўналтириш тизимлари ва агрессив дизайни билан пойга трассаларида юқори бурилиш тезлигини таъминлайди.
Mercedes-Benz SLR McLaren Stirling Моss
- Двигатель: 5,4 литрли V8, компрессорли
- Қувват: 650 от кучи
- 0–100 км/соат: ~3,5 сония
- Максимал тезлик: 350 км/соат
Mercedes-Benz SLR McLaren Stirling Моss 2009 йилда тақдим этилган, SLR McLaren’нинг энг экстремал ва ноёб версияси бўлиб, афсонавий инглиз пойгачиси Стирлинг Мосс шарафига яратилган.
Бу моделнинг энг қизиқ жиҳати шундаки, олд ойнаси умуман йўқ — ҳайдовчи ва йўловчи фақат шлем ёки махсус кўзойнак билан юради. Натижада у асосан трек ва махсус тадбирлар учун мўлжалланган, лекин қонуний йўлда ҳам юриши мумкин бўлган спорткар сифатида қабул қилинган.
Изоҳ (0)