Deniel Redkliffning javobsiz muhabbati, kulgili syomka jarayonlari: “Garri Potter”da sahna ortida qolgan qiziqarli voqealar

Yosh sehrgarlar maktabi va u yerdagi o‘quvchilarning sarguzashtlari haqidagi filmni ko‘rmagan yoki u haqda eshitmagan insonni topish mushkul. “Garri Potter” franshizasi bolalar va kattalar birdek miriqib tomosha qiladigan asarlardan biridir. Mazkur fantastik filmni yaratish uchun tasvirga olish jamoasi juda ko‘p ter to‘kkan.

Kulgili suratga olish ishlari

Rupert Grint va Deniel Redkliff qahramonlarini shunchaki o‘ynamasdan, balki ular bilan yashaydi. Bu esa ularga qiyinchiliklar tug‘diradi, ayniqsa, ular yosh aktyorlar bo‘lgani tufayli. Ron bilan Garri “Xogvarts Ekspress”da birga ketadigan kadrda rejissyor Kris Kolambus ularni alohida-alohida suratga olishga majbur bo‘ladi. Rupert Deniel o‘tirgan kupega yaqinlashishi bilan o‘zini kulgidan to‘xtata olmasdi, Redkliff ham unga qarab kulib yuborardi. Oxir-oqibat Kolambus avval Rupertni, keyin esa Denielni suratga oladi.

Evanna Linch juda hayajonlanadi

“Hikmatlar toshi”dagi ko‘plab aktyor bolalar Joan Rouling kitoblarining muxlislari edi, shuning uchun film ustida ishlayotganda ular ko‘proq hayajonlanishardi. Keyingi filmlarda yangi aktyorlar orasida muxlislar tobora kamayib, professional aktyorlar ko‘payib bordi. Biroq Evanna Linch bundan mustasno edi. Unga “Garri Potter”da ishtirok etish erishib bo‘lmaydigan orzudek tuyulgan. Biroq bu orzu Linch bir qator kastinglardan muvaffaqiyatli o‘tib, Polumna Lavgud rolini qo‘lga kiritganida amalga oshdi. Evanna xursand bo‘lish o‘rniga o‘ziga ishonchi yo‘qligidan xavotirlanadi. Linch uzoq vaqtgacha yangi sharoitga ko‘nika olmay, o‘zini suratga olish maydonchasiga kirib qolgan muxlisdek his qiladi. U o‘z hamkasblarida kumirlarni ko‘rar va ularga shunga yarasha munosabatda bo‘lardi.

Deniel Redkliff Helena Bonem Karterni sevib qolgan

Helena Bonem Karter qahramoni Bellatriks Lestrangning dahshatli grimida ham ko‘plab hamkasblaridan chiroyliroq ko‘rinardi. Ehtimol, shu sabab Deniel Redkliff birga ishlash davomida Helenaga oshiq bo‘lib qoladi. Baxtga qarshi, bu muhabbat bir tomonlama bo‘lib, Helena allaqachon rejissyor Tim Byorton bilan munosabatda edi.

E’tiborlisi, aktrisa hamkasbining his-tuyg‘ularidan xabari bo‘lgan. “Garri Potter 20 yildan so‘ng: Xogvartsga qaytish” hujjatli filmini suratga olish jarayonida Karter Deniel yozgan eski xatni olib keladi. Unda Deniel aktrisaning qahvasini ushlab turishdan xursand bo‘lganini va 10 yil oldinroq tug‘ilmaganidan afsusda ekanini yozgandi.

Jeyson Ayzeks Joan Roulingdan Lyutsiusni Azkabandan ozod qilishni so‘raydi

Jeyson Ayzeks “Garri Potter”dagi qahramonini shunchalik yaxshi ko‘rib qoladiki, u syujetga unchalik ta’sir ko‘rsatmagani uchun so‘nggi ikkita filmda rol o‘ynamaslikka qaror qiladi. Ayzeks kitoblarni o‘qigan va Lyutsius Azkabanga olib kelinganini bilardi. Shundan so‘ng u Rouling bilan uchrashadi va Lyutsiusni Azkabandan chiqarib olishni yolvorib so‘rab, hatto tiz cho‘kadi. Jeyson Joan uning iltimosini bajarganini bilgach, u so‘nggi filmga qaytishga rozi bo‘ladi.

Deniel Redkliffning yorqin, ammo mashaqqatli roli

Ba’zi sahnalarini tomosha qilayotganda ko‘pchilik tomoshabinlar bu rollarning barchasini Deniel Redkliffning o‘zi ijro etganini bilishmaydi. Ya’ni u o‘zini Garriga o‘xshatayotgan Germiona, shuningdek, Ron, egizak Uizlilar va boshqalar rolini o‘ynaydi. Denielga esa oson bo‘lmaydi — suratga olish ishlari cho‘zilib ketadi, chunki har bir Garriga o‘ziga xos yondashuv kerak edi va oxir-oqibat 90 ta dubl suratga olingandan keyingina ish yakunlanadi.

Deniel Redkliffga boshqa aktyor ovoz bergan

“Hikmatlar toshi” filmidagi Garri Potter hamma sahnalarda Deniel Redkliff ovozida gapirmasligini hamma ham bilmaydi. Gap shundaki, suratga olish jarayoni tugashi bilan film ijodkorlari katta muammoga duch kelishadi – Denielning ovozida salbiy o‘zgarishlar boshlanadi. Natijada “Talafot” va “Doktorlar” seriallarida suratga tushgan Jo Sauerbuttsni tanlashadi. Jo turli sahnalarda, jumladan, kvidich va “Taqiqlangan o‘rmon” sahnalarida aktyorga ovoz berishiga to‘g‘ri keladi.

Emma Uotson zinadan yiqilib tushadi

Bir kuni nafaqat Deniel Redkliff, balki Emma Uotson ham uzoq vaqt ishlashga majbur bo‘ladi, nihoyat Ron bilan munosabatlari bilan bog‘liq burilish nuqtasidagi sahnani ijro qiladi. Germionaning  ballda paydo bo‘lishi Ronning Germionaga befarq emasligini tushunib yetishiga sabab bo‘ladi. Bu sahnaning ahamiyatini barcha tushunardi, ayniqsa, Mayk Nyuell Emma Uotsonni dubl ketidan dublga tushishga majbur qilgan. Aktrisaning o‘zi tan olganidek, Maykka har bir dublda hech bo‘lmaganda bitta detal yoqmasdi: u yo juda tez, yo juda sekin pastga tushardi, uning yuzi juda quvnoq yoki juda befarq edi. Navbatdagi dubl paytida Emma ko‘ylagiga o‘ralashib, qoqilib, pastga dumalab ketadi.

Drako yig‘lagan, lekin bu filmga kiritilmagan

Tom Felton va Jeyson Ayzeksning “Maxfiy hujra”dagi birinchi uchrashuvi ular birgalikda birinchi sahnani o‘ynashlari kerak bo‘lgan paytda bo‘ladi. Ushbu parchada Drako qo‘llarini qandaydir buyumga cho‘zadi, shunda Lyutsius uning qo‘liga hassasi bilan yashin tezligida uradi va hech narsaga tegmaslikni buyuradi. Biroq Ayzeks hassasining Tomni urgan joyida ikkita o‘tkir tishi borligini bilmasdi. Ko‘zlari yosh va alamga to‘la 11 yoshli Felton unga qaraydi. Jeyson darhol kechirim so‘raydi. Tom jasorat bilan bu sahna uchun yaxshi ekanini aytadi, ammo keyinchalik bu kadr kesib tashlanadi.