Ҳатто энг яхши актёрлар ҳам карьера чўққисида муваффақиятсиз ролларга дуч келади. Кимдир учун бу фойдали тажрибага айланса, бошқалар бу даҳшатли тушни унутиши учун бир неча йил танаффус қилиши керак бўлади.
Жуди Денч, “Мушуклар”
“Мушуклар” мюзиклининг фильмга мослашуви интернетда кенг муҳокама қилинади — барчасига сабаб одам-мушукларни яратиш учун ишлатилган махсус эффектлардир. Фильм нафақат харажатларини оқлай олмайди, балки IMDb рейтингида 10 дан 2,8 баллга эга бўлади холос.
Актёрлар таркибида “Оскар” совриндори Жуди Денч ҳам бор эди. Актриса мушук кийимида нафис кўринишга умид қилган, аммо аксинча у “қўпол кекса мушук”ка ўхшаб қолган.
Анжелина Жоли, “Умрбоқийлар”
Танқидчилар “Умрбоқийлар”ни Marvel’нинг энг омадсиз лойиҳаси деб аташади, уни зерикарли ва сюжет жиҳатдан заиф деб ҳисоблашади.
Жолининг фильмдаги ижроси ҳам эътибордан четда қолмаган. Томошабинлар фикрича актриса роль танлашда адашган. Сўнгги пайтларда Анжелина ўзини режиссёрликда кўпроқ синаб кўргани учун, эҳтимол, актрисалик маҳоратини йўқотганга ўхшайди.
Жессика Альба, “Махфий белги”
2000 йилларнинг бошларида актриса жуда машҳур эди. Аммо ўн йилликнинг охирида у хато кетидан хато қила бошлайди ва савиясиз фильмлардаги роллари кўпаяди. Бунда Rotten Tomatoes веб-сайтида 0 фоиз ижобий шарҳларга эга бўлган “Махфий белги” драмаси ҳал қилувчи роль ўйнайди.
Фильм учун ижодий жамоа жавобгар бўлишига қарамай, омадсизлик асосан Альба билан боғлиқ. Ушбу муваффақиятсизликдан сўнг у фильмларда камроқ роль ўйнай бошлади.
Женнифер Лоуренс, “Йўловчилар”
Хонанда Адэль дугонаси Женнифер Лоуренсга “Йўловчилар” илмий-фантастик блокбастерида роль ўйнамасликни маслаҳат беради. Унинг фикрича, “космик фильмлар янги вампир фильмлар каби” ва улардан қочиш керак.
Маълум бўлишича, Лоуренс Адэлга бекорга қулоқ солмаган. Кўплаб танқидчилар фильмнинг асосий муаммоси — бош қаҳрамонлар ўртасидаги муносабатлар эканлигини таъкидлашади. Уларнинг фикрича, ижодкорлар актёрлар ёрдамида бемаъни сюжетни безашга ҳаракат қилган.
Дэниэл Редклифф, “Гарри Поттер ва тилсим шаҳзода”
Актёр ўзини экранда кўришни хоҳламайди. Аммо “Тилсим шаҳзода” унинг учун жуда қийин синов бўлган. Редклиффнинг сўзларига кўра, фильмдаги ижроси бир хил бўлиб қолган, қаҳрамони ҳам жуда такаббур қилиб тасвирланган. Шунинг учун ҳам шу қисм актёрга ёқмайди.
Редклифф “Қақнус ордени”ни ўзининг энг яхши фильми деб ҳисоблайди, чунки айнан шу қисмда ўзининг актёрлик маҳоратидан мамнун бўлган.
Эмма Стоун, “Маняк”
“Маняк” мини-сериалининг эпизодларидан бирида Эмма Стоун элф ролини ўйнаши керак эди. Бунгача актриса режиссёр билан суҳбатлашган. Актрисадан у бундай ролга тайёрми, вампир сифатида реенкарнация қилишни хоҳлайдими, деб сўрашган.
Стоун одатда бундай қаҳрамонларни ўйнашни ёмон кўрарди. У ҳатто “Узуклар ҳукмдори” фильмини ҳам томоша қилмаган, чунки у хаёлий оламлардан узоқ. Аммо шунга қарамай, у элф ролига рози бўлади, гарчи бу иш унга завқ бермаса ҳам.
Жейк Жилленҳол, “Форс шаҳзодаси”
Форс шаҳзодаси ҳақидаги фильм “Кариб денгизи қароқчилари” каби машҳур франшизага айланиши керак эди. Аммо компания кўплаб танқидларга дуч келади. Муваффақиятсиз кастинг, хусусан, бош ролга танланган актёр томошабинларнинг ҳафсаласини пир қилади.
Жилленҳолл қаҳрамонига тўғри келмаганини тан олади, аммо бу муваффақиятсизликни фойдали тажриба деб ҳисоблайди. Деярли 10 йил ўтгач, актёр яна блокбастерда ўйнашга қарор қилади ва янги “Ўргимчак одам”нинг актёрлар таркибига қўшилади.
Изоҳ (0)