Муҳтожларга ёрдам беришни инсоният олдидаги бурчи деб биладиган машҳурлар (фото)

Мазкур Голливуд юлдузлари қизил гилам-у, премьералардан ортиб, ёрдамга муҳтож одамларга қўлдан келганча кўмак беришни унутмаган.

Анжелина Жоли

Актриса нафақат гўзалликни, балки меҳрибонликни ҳам ўзида мужассам этган. Анжелина Жоли хайрия ишларига алоҳида эътибор беради: у қашшоқ мамлакатларга, қочқинларга ва табиий офат қурбонларига ёрдам беради, шу йўл билан у инсониятга тегишли муаммоларга бегона эмаслигини кўрсатади.

Майли Сайрус

Ишдан бўш вақтларида актриса бемор болаларга қўлидан келганча ёрдам беради. Баъзида эса Майли Сайрус ёрдамга муҳтож бўлганлар билан вақт ўтказиш учун Гаитига боради.

Эмма Уотсон

“Гарри Поттер” юлдузи БМТнинг аёллар эркинлиги бўйича яхши ният элчисидир. Албатта, ёши туфайли у ҳали кўп иш қила олмади, аммо шунга қарамай, Эмма Бангладеш ва Замбиядан келган баъзи қизларга таълим олиш имкониятини берди.

Бен Аффлек

Актёр Женнифер Лопес билан турмуш қургандан сўнг яхши томонга ўзгара бошлаганга ўхшайди. Бир неча йил олдин Бен Конгога боради ва ўша ерда ўз ташкилотини яратиш ғояси туғилади. Шундай қилиб зўравонлик қурбонларига ёрдам берадиган бу ташкилотга “Шарқий Конго ташаббуси” номи қўйилади.

Селена Гомес

Машҳур америкалик қўшиқчи ва актриса бир неча йиллардан бери нафақат касал болаларга фаол ёрдам беради, балки қашшоқ мамлакатлардаги одамларнинг ҳаётини яхшилашга ҳаракат қилади. Селена Гомес ўзини Ғарбий ва Марказий Африка аҳолиси очликдан ўлмаслиги учун маблағ йиғишга бағишлаган.

Жорж Клуни

Жорж Клуни Суданда Not On Our Watch хайрия жамғармаси асосчиси бўлиб, зўравонлик ва қийноқ қурбонларига ёрдам беради. Бир пайтлар Жорж Клуни Шарқий Африкада бўлиб ўтган тинч намойишда қатнашгани учун ҳибсга олинган эди.

Мэтт Деймон

WaterОrg — “Жейсон Борн” юлдузи асос солган ташкилот. Актёр Африкадаги камбағал оилаларни тоза сув билан таъминлаш орқали уларга ёрдам беради. Бу ташкилот ҳозиргача тоза сув ичиши мумкин бўлган 300 000 оилага ёрдам берган. Деймон, шунингдек, унинг дўсти Жорж Клунига тегишли Not On Our Watch компаниясининг ҳаммуассиси ҳисобланади.

Скарлетт Йоханссон

Скарлетт Йоханссон дунёга машҳур бўлишидан олдин ҳам хайрия ишлари билан шуғулланарди. Актриса Руандадаги клиникаларда кўнгилли бўлиб ишлаган ва 2004 йилдан бери Oxfam элчиси ҳисобланади.

Мэттью Макконаҳи

Голливуднинг энг талабгир актёрларидан бири Just Keep Livin Foundation’га асос солган. Фонднинг мақсади — болаларни ҳаёт, жисмоний тарбия ва маънавиятга ўргатиш. Бундан ташқари, Мэттью бир нечта хайрия ташкилотлари билан ҳамкорлик қилиб, бошқаларга ҳам ёрдам беради.

Дуэйн Жонсон

“Жуманжи” юлдузи молиявий қийинчиликлар нима эканлигини жуда яхши билади. Шу сабабли спортчи муҳтож бўлганларга мунтазам равишда ёрдам беришга ҳаракат қилади. Яқинда интернетда Дуэйн хайрия ишлари билан шуғулланадиган йигитга одамларга қилган яхшиликлари учун машина совға қилди. Шунингдек, актёр болалар шифохоналарига тез-тез ташриф буюради.

Мел Гибсон

“Шерюрак” режиссёри Мексикадаги “Стен” тўфонининг ҳалокатли оқибатларини бартараф этиш учун бир миллион доллар ажратган. Бундан ташқари, у касалхоналарни тиклаш учун ўн миллион доллар хайрия қилган.