Бугунги рўйхатда янги ва тренддаги фильмларни топмаслигингиз мумкин, лекин мазкур фильмларнинг ҳар бири сизни қайта ва қайта томоша қилишга илҳомлантиради, кузнинг салқин кунларида ўзига хос кайфият бағишлайди.
“Люпен” (2021-2023)
Сериал француз ёзувчиси Морис Лебланнинг “Арсен Люпен” асаридан илҳомланиб яратилган. Сериал отасига қарши адолатсиз айбловлар учун Пеллегрин оиласидан қасос олишга ҳаракат қилган Ассан Диоп ҳақида ҳикоя қилади. Сериалда бош қаҳрамонни “1+1” фильмидаги Дрисс роли билан танилган Омар Си ижро этган.
“Ўлим қуроли: суяклар шаҳри” (2013)
Клари Фрайнинг онаси ғойиб бўлгач, у ер юзини турли ёвуз кучлардан ҳимоя қиладиган жангчилардан эканини билиб қолади. Сўнг Клари ўхшаш иқтидорли инсонлар билан бирлашади ва “Соялар дунёси” деб номланган Нью Йорк шаҳрининг бошқа дунёдаги аксига саёҳат қилади.
“Вақт саёҳатчисининг рафиқаси” (2022)
Генри — ғайриоддий кучга эга одам. Унда беихтиёр вақтлар аро турли жойларга саёҳат қилиш имконини берувчи ген бор. Унинг рафиқаси Клер турмуш ўртоғининг бундай қобилияти билан яшашга жуда қийналади.
“Сиэтлдаги уйқусиз тун ”(1993)
Ярим тунда радио орқали дадасига турмуш ўртоқ қидираётган ёш боланинг мактуби ўқиб эшиттирилади. Мамлакатнинг турли бурчакларидан юзлаб аёллар бунга жавоб беради, аммо улардан фақат биттаси боланинг отаси ва у бир-бирлари учун яратилганини тушунади. Уларнинг орасида юзлаб километр масофа бўлиши ва боланинг отаси бундан хабарсиз эканлигига қарамай, бош қаҳрамон ўз мақсадига етиш учун олға қадам босади.
“Муқаддима” (2010)
Илмий-фантастик жанрдаги мазкур фильмда Кобб (Леонардо Ди Каприо) ўзининг жамоаси билан тушлар орқали интеллектуал мулкни ўғирлаш ёки ўзгартириш билан шуғулланади. У нафақага чиқиб, уйига болаларининг олдига қайтишни орзу қилади, лекин бунинг учун жуда қийин вазифани бажариш шарти қўйилади. У бош директорнинг онгига ўғирланган ғояни қайта киритиши керак бўлади.
“Уч кунда турмушга чиқиш” (2009)
Анна 29 февраль куни қаллиғи Жеремига турмуш қуришни таклиф қилиш учун Дубльинга боришни режалаштиради, чунки Ирландия анъаналарига кўра, ўша куни турмуш қуриш таклифини олган эркак албатта рози бўлиши керак.
“Лемони Сникет: 33 бахтсизлик” (2017-2019)
Бред Силберлингнинг эртак-фильмида етим қолган Бодлерларнинг оғир тақдири ҳақида ҳикоя қилинади. Зукко Ваёлет, ақлли Клаус ва чақалоқ ота-онасидан сирли ёнғин туфайли айрилганидан сўнг, болаларни граф Олаф ўз қарамоғига олади.
Изоҳ (0)