Жанубий Корея маданияти дунё кинематографиясига ўз таъсирини кенгайтираётганига шубҳа йўқ. “Энг яхши фильм” номинациясида “Оскар”ни қўлга киритган “Паразитлар” (2019) фильми бунга яққол мисолдир. Корейс сериаллари бугунги кунда жуда кенг миқёсдаги томошабинларни жалб қилмоқда ва Netflix компанияси сўнгги йилларда драмаларга 2,5 миллиард доллардан ортиқ сармоя киритиб келмоқда.
Қуйида сўнгги кунларда Netflix’да энг кўп томоша қилинаётган корейс сериалларини эътиборингизга ҳавола этамиз.
“Яхши ҳамроҳ” (굿파트너)
Ушбу сериал ҳаётга ва ишга турлича дунёқарашга эга бўлган 2 адвокат ҳақида. Чан На Ра ролини ижро этган қаҳрамон 17 йилдан бери ажрим бўйича мутахассис бўлиб ишлайди. Аммо кунларнинг бирида унинг ўзи ажрим ёқасига келади ва ўзини мижозлари ўрнида топади.
“Шинам уй” (스위트홈)
Июль ойининг ўрталарида мактаб ўқувчиси Ҳён Су ҳақидаги драманинг 3-мавсуми бошланди. Сюжетга кўра, шаҳар аҳолиси сирли равишда йиртқич ҳайвонларга ўхшаб қолади. Бош қаҳрамон ўз қўшнилари билан бирга ҳаёт учун курашишга мажбур бўлади.
“Ива” (이브)
Мазкур 2022 йилги драма ҳанузгача корейс киноси ихлосмандларининг эътиборидан четда қолмаяпти. Сериалда 13 йил давомида режалаштирилган қасос ва у билан боғлиқ никоҳни бекор қилиш жараёни ҳақида ҳикоя қилинади.
“Кундан тунгача ўзгача” (낮과 밤이 다른 그녀)
Ушбу корейс драмаси 2024 йил июнь ўрталарида тақдим этилган. Воқеалар марказида узоқ йиллардан бери давлат хизматчиси бўлиш учун имтиҳонга тайёрланаётган Ми Жин исмли қиз туради. Кечаларнинг бирида қаҳрамон тўсатдан уйғониб кетади ва у ўзини умуман бошқа инсон — 50 ёшли Им Суннинг танасида эканлигини англаб етганида ваҳимага тушади.
“Бўрон” (돌풍)
Netflix томонидан ишлаб чиқилган мазкур янги сериал Жанубий Кореядаги сиёсий курашлар ҳақида ҳикоя қилади. Бош вазир Пак Дон Ҳо мамлакат президентини коррупцияда айблаб, уни жазолашга ҳаракат қилади. Аммо Дон Ҳо мақсадига етиши учун ўзининг ўринбосари Чон Су билан тўқнашишига тўғри келади.
Изоҳ (0)