Турк сериалларини томошабинлар ажойиб актёрлик маҳорати ва сюжетни олдиндан айтиб бўлмайдиганлиги учун ёқтиришади. Дизи ихлосмандлари учун биз яқин орада тақдим этилган энг янги турк сериалларини бир мақолада тўплашга қарор қилдик.
“Баҳор”
IMDb рейтинги — 7,5
Баҳор муваффақиятли шифокорлик фаолиятидан воз кечади ва фақат оиласи учун ўзини бағишлайди. Кунларнинг бирида у ҳушини йўқотиб, касалхонага ётқизилганида бутун ҳаёти ўзгарди. Унга шошилинч жигар трансплантацияси операцияси қилиниши лозим бўлади. Бунинг учун унинг эри донор бўлиши мумкин эди. Бироқ Баҳор даҳшатли ҳақиқатга дуч келади, натижада ўзи ҳақида қайғура бошлайди ва севимли касбига қайтади.
“Шаҳзода”
IMDb рейтинги — 8,4
Сериалдаги воқеалар Bongoмия номли тўқима мамлакатда бўлиб ўтади, у ернинг қироли тўсатдан вафот этади ва қиролнинг ўртанча ўғли тахтга ўтиради. Бироқ ҳеч ким янги ҳукмдорни жиддий қабул қилмайди ва оила аъзолари ҳам уни қўллаб-қувватламайди. Шунда бош қаҳрамон вазиятни мустақил ўзгартиришга бел боғлайди.
“Эртанги кун келмасдек гўё”
IMDb рейтинги — 8,4
“Эртанги кун келмасдек гўё” мини сериали 2003 йилда суратга олинган “Интервью” фильмидан илҳомланган. Унда бош ролларни “Муҳташам юз йил” юлдузи Ҳалит Эргенч ва Туба Буюкустун ижро этган. Актёр телеюлдуз, актриса эса мухбир образини гавдалантирган. Сериал давом этар экан, томошабинлар ҳаёт ва севги ҳақидаги очиқ суҳбатга шўнғийди.
“Ёввойи”
IMDb рейтинги — 7.0
Яман Али бой оилада туғилган. Лекин болакай тўрт ёшлигида ўғирлаб кетилади ва Истанбул кўчаларида уйсизлар орасида ҳаёт кечиришга мажбур бўлади. Барча қийинчиликларга қарамай, Яман оқкўнгил йигит бўлиб улғаяди. Бир кун тақдир уни бой қиз Руя билан учраштиради. Бу кутилмаган учрашув қаҳрамонни аввалги уйига қайтаради.
“Алвон ғунчалар”
IMDb рейтинги — 7,8
Мерем қизи Зейнеп унинг тақдирини такрорлашини истамайди ва бунинг олдини олишга бор кучи билан ҳаракат қилади. Ҳаёт уни яқинда рафиқаси билан ажрашган психиатр Левент билан учраштиради. Улар ўртасида бир ришта пайдо бўлади. Аммо бу вақтда Левент ноқонуний равишда асраб олинган қизини тарбиялаётгани маълум бўлади. Сериалда дунёвий ва диний оилалар вакилларининг тўқнашуви ва севгиси ҳақида ҳикоя қилинади.
“Шафқатсиз Гаддар”
IMDb рейтинги — 7,5
Сериалда бош ролни Чағатой Улусой ижро этган. Марказий қаҳрамон армияда хизмат қилиб, уйига қайтади, лекин ташқи оламдаги ҳаёти тамоман ўзгарган бўлади: қаллиғи уни индамасдан тарк этади, укаси Рузгар эса ёмон йўлга кириб қолади. Натижада Даган ҳам ўзининг ёзув томонини ҳам кашф этади. Унинг ҳарбий билими, жанговар маҳорати, жасорати ва юракдаги умидсизлиги уни Истанбулдаги энг хавфли одамлардан бирига айлантиради.
“Кўр нуқта”
IMDb рейтинги — 8.0
Адвокат Аслим хоним ва нуфузли оиланинг ўғли Жиҳан бир-бирларини телбаларча севиб қолади. Аммо Аслим иштирокидаги автоҳалокат уларнинг ҳаётини барбод қилади. Бу воқеага Жиҳаннинг опаси айбдор эканлиги маълум бўлади. Бу орада Аслимнинг дугонаси унинг қаллиғига яқинроқ бўлишга уринади.
“Қора тут”
IMDb рейтинги — 8,4
Зуҳал ёш ёзувчи ва шахсий ривожланиш бўйича тренер бўлиб ишлайди. Қаҳрамоннинг отаси ва уч опаси ундан доим пул сўрайверади, аммо синглисини ёқтирмайди. Айни пайтда қаҳрамон ўз онаси билан яхши муносабатлар ўрната олмайди. Сабр косаси тўлган Зуҳал оила аъзолари билан ижобий бўлишда давом эта олармикан?
“Қора дарахт ҳақида достон”
IMDb рейтинги — 8.0
Желал оға исмли бадавлат эркак ўз даврасидаги бошқа одамлар каби камбағалларни менсимас эди. Бироқ тез орада унинг фикрлари ўзгаради, чунки Желал камбағал оиладан бўлган қизни севиб қолади. Қизнинг оила аъзолари унинг бадавлат ва димоғдор инсон билан оила қуришига кескин қаршилик қилади. Желал эса унинг севгиси самимий ва покиза эканлигини исботлашга уриниб кўради.
“Мутлақо бошқача”
IMDb рейтинги — 8,8
Мазкур сериалда бош ролни актриса Ҳанде Эрчел ўйнаган. У Истанбулга ота-онасини кўргани келган прокурор Лейла образини гавдалантиради. Қаттиққўл прокурор машҳур тадбиркорнинг ўлими устидан иш бошлайди. Бу вақтда у шизофрениядан азият чекаётган ва шахсияти иккига бўлинган журналист Кенан билан учрашади ва унга телбаларча ошиқ бўлади.
“Гулдурос қарсаклар”
IMDb рейтинги — 7,3
Сериал катта шаҳарда ўзини ёлғиз ҳис қилаётган Метиннинг тақдири ҳақида ҳикоя қилади. Унинг ота-онаси болани бахтли қилиш учун ҳамма нарсани қилиб кўради. Ва уларнинг ҳаётида кўплаб муаммолар пайдо бўлганда Метин ота-онасини бахтли қилиш масъулиятини ўз зиммасига олади.
“Чексиз севги”
IMDb рейтинги — 7.0
Ҳалил болалигида она шаҳрини тарк этишга мажбур бўлади, сўнг кўп йиллар ўтиб, у ерга суюкли аёли Ёсамин билан қайтиб келади. У ерда болаликдан бери таниш бўлган Зейнеп Летони ёқтириб қолади. Сўнг Зейнеп отасини қотилига қариндош экани маълум бўлади.
“Гулжемал”
IMDb рейтинги — 7.1
Гулжемал исмли бола ва унинг синглиси Гулендамни болалигида онаси ташлаб кетган. Йигит улғайгач, раҳбарлик лавозимига чиқади ва бойиб кетади, лекин умри давомида бошидан ўтказган кўп синовлар унинг қалби шафқатсиз бўлишига сабаб бўлади. Вақт ўтиб, Гулжемал синглиси билан бирга она шаҳрига қайтиб келади ва онасининг қўлида ишлайдиган қизга кўнгил қўяди.
“Даҳо”
IMDb рейтинги — 8.2
Сериалда актёр Арас Булут Ийнемли отасига нисбатан эски норозиликларини ҳали ҳам унута олмаган ажойиб математик Девран ролини ижро этади. Университет дипломини қўлга киритгач, Девран қаллиғи Эсме билан Америкага саёҳатга отланади. У кўп йиллар олдин оиласини ташлаб кетган отаси ўғлининг муваффақиятидан хабар топишини орзу қилади.
Изоҳ (0)