Бугунги рўйхатда янги ва тренддаги фильмларни топмаслигингиз мумкин, лекин мазкур фильмларнинг ҳар бири сизни қайта ва қайтда томоша қилишга илҳомлантиради, кузнинг салқин кунларида ўзига хос кайфият бағишлайди.
Фото: Дзен
“Гарри Салли билан учрашганда” (1989)
Гарри ва Салли Нью Йоркка танишиб қолади, сўнг тақдир тақозоси билан уларнинг йўллари ажралади. Икки дўст бир неча йил ўтгач яна учрашади — улар самолётда биргаликда учади. Орадан бир неча йил ўтади ва улар яна тасодифан дўконда тўқнаш келишади. Бу сафар қаҳрамонлар анча ўзгаради. Гарри турмуш қуришга ва ажрашишга улгурган, Салли эса бахтсиз севгидан азоб чекар эди. Шу кундан иккиси қайта дўст бўлишга қарор қилади. Вақт ўтиши билан қаҳрамонлар орасидаги боғлиқлик шунчаки дўстлик эмас, балки кучлироқ ришта эканлигини тушуна бошлайдилар.
“Сизга мактуб” (1998)
Жо Фокс ва Кетлин Келли Манҳэттенда яшайди ва Интернет орқали аноним равишда бир-бирига хатлар ёзади. Улар фақатгина тармоқда дўст бўлса-да, ҳаётда бир-бирини кўришга улгурган. Бунинг устига, иккиси аслида бир-бирига рақобатчи бўлган ва бир районда жойлашган китоб дўконлари эгалари бўлади.
“Заковатли Уилл Ҳантинг” (1997)
Бош қаҳрамон Массачусетс технология институтида фаррош бўлиб ишлайдиган ёш йигит Уилл Ҳантингдир. Кунларнинг бирида университет профессорларидан бири талабалар учун доскага жуда қийин масала қолдиради ҳамда уни ечиш ва ўзини синаб кўришга барчани таклиф қилади. Аммо фақатгина фаррош Уилл ушбу масалани еча олади.
“Ўлик шоирлар жамияти” (1989)
Жон Китинг ўғил болалар мактаб-интернатига ишга келган ўриндош ўқитувчи. Ўсмирлар тезда янги ўқитувчига ўрганиб қолади. Китинг уларга айни дамдан завқланиб яшаш ғоясини тарғиб қилади, бу эса ўқувчиларнинг ота-оналарига ёқмайди. Тез орада севимли машғулот сифатида очилган тўгарак яширин жамиятга айланади ва ўқитувчи катта муаммоларга дуч кела бошлайди.
“Нью Йоркдаги куз” (2000)
Уилл Кейн доим аёллар эътиборида бўлишга ўрганиб қолган эркак. У муваффақиятли, келишган ва бой, аммо унинг барча муносабатлари ажралиш билан тугайди. Қувноқ Шарлотта билан учрашганда эса ҳаммаси ўзгаради. Аввалига Уилл уни тентакроқ деб ўйлаб, аёл билан бепарво муносабатда бўлади. Кўп ўтмай, қаҳрамон Шарлоттанинг оғир касал эканлигини, унинг бир йилгина умри қолганини билиб қолади.
“Мона Лиза табассуми” (2003)
Фильм воқеалари 1950 йилларда содир бўлади. Кетрин Энн Уотсон хусусий коллежда аёлларга санъат тарихидан дарс бера бошлайди. Бироқ у дарҳол атрофидагиларнинг қаршилигига дуч келади, чунки талабалар ва ҳамкасблари патриархал қарашларга эга эди. Бош қаҳрамон босқичма-босқич талабаларининг дунёқарашини ўзгартиришга ҳаракат қилади, жамиятда аёлларнинг ўрни аҳамиятли эканини тушунтириб беради.
“Фараҳли ноябрь” (2001)
Нелсон Мосс исмли тадбиркор карьераси учун шахсий ҳаётини қурбон қиладиган реклама агенти бўлиб ишлайди. Кунларнинг бирида у шу пайтгача учратган ҳеч қайси аёлга ўхшамайдиган Сара билан танишиб қолади. Уларнинг тасодифий танишуви яна бир нечта учрашувлар билан давом этади. Қувноқ Сара Нелсоннинг ҳаётини тубдан ўзгартиради ва Нелсонга ҳаётни ва ундан қандай завқланиш кераклигини кўрсатади. Бироқ ажойиб севги ҳақидаги ҳикоя фожиали якунланади.
“Ўгай она” (1998)
Бош қаҳрамон икки фарзанди билан ажрашган эркакка турмушга чиқади ва унинг жиддий касал бўлган собиқ хотини билан тил топишишга ҳаракат қилади.
“Амалий сеҳр” (1998)
Оуэнслар хонадони ҳақида доим турли миш-мишлар юради: уй эгалари опа-сингил жодугар бўлиб, ўзларига ёққан ҳар қандай инсонни ўлимга маҳкум қилади. Аммо аслида икки гўзал қиз шунчаки ўз бахтини топишни истайди.
Изоҳ (0)