Ҳар қандай томошабинни экран қаршисига михлаб қўядиган янги фильмлар (трейлер)

Қизиқарли фильм томоша қилишга бўш вақтингиз бор-у, лекин қайси кинони танлашни билмаяпсизми? Қуйида 2024 йилнинг яхши сифатда чиққан ва эътиборга лойиқ янги фильмлари ҳақида маълумот берамиз.

“Оддий сонлар назарияси”

• Драма (Франция, Швейцария)

Маргарита Хоффман докторантуранинг сўнгги курсида ўқийди ва ўқишни тугатгандан сўнг университетда ишлашга умид қилади. Ажойиб талаба оддий сонлар ҳақида диссертация ёзмоқда ва математик муаммолардан бирини ечишга ҳаракат қилмоқда.

Унинг мураббийи яқинда худди шу мавзуни ўрганаётган оксфордлик иқтидорли йигитни васийликка олади. Бу икковларига ҳам фойда келтириши керак эди, лекин қиз ёрдам сўрашдан уяларди.

Маргарита юқори натижага ишонади. Унинг тақдимотига кўплаб ҳурматли одамлар тўпланган. Ҳисоб-китобларда йўл қўйилган мудҳиш хатога ишора қилишганида у даҳшатга тушади.

Уч йиллик тадқиқотлар шубҳа остига олинади ва ҳаммасини бошидан бошлаш керак. Қаҳрамон шармандаликни енга олмай, университетни тарк этади. У ўз амбицияларини унутиб, одатдаги ҳаётга мослаша оладими?

“Артур, сен қиролсан”

• Драма, саргузашт (АҚШ, Канада)

Ҳақиқий воқеаларга асосланган саргузашт фильм томошабинни экстремал пойгалар ишқибози Майкл Лайт билан таништиради. У бутун умрини хавфли спорт турига бағишлаган ва ҳар доим югуриш мусобақаларида қатнашади, аммо бирор марта ҳам маррага биринчи бўлиб ета олмаган.

Унинг яқиндаги чиқиши шармандали муваффақиятсизлик билан эсда қолади, шундан сўнг эркак танаффус олиб, бир неча йилни оиласи билан бирга ўтказади, туғуруқдан кейин рафиқасини қўллаб-қувватлайди.

Отасининг риэлторлик фирмасида ишлаш, у билан тил топишиши қийин. Майкл сўнгги бор курашишга қарор қилади ва бўлажак чемпионат учун жамоа йиғади.

У ҳомийлар топишга ва ғалаба учун ҳамма нарсага тайёр бўлган ажойиб жамоа тўплашга муваффақ бўлади. Олдинда уларни бутун дунёдан келган энг яхши спортчилар билан 10 кунлик пойга кутмоқда. Пойга пайтида кутилмаганда янги иштирокчи пайдо бўлади — Артур лақабли уйсиз ит, уни ташлаб кета олмайдилар.

“Аркадиядаги қиёмат туни”

• Даҳшат (Канада, АҚШ, Ирландия)

Постапокалиптик даҳшатли воқеалар томошабинни бош ролни Николас Кейж ижро этган Пол исмли эркак билан таништиради. У бир неча йил аввал иккита гўдакни хавфдан қутқариб қолган, мана 15 йилдирки, уларни ўз фарзандидек тарбияламоқда.

Улар олис қишлоқдаги уйда яшашади. Ака-укалар ҳар доим ҳам бир-бирлари билан чиқишавермайди, лекин дунё ниҳоятда шафқатсиз ва улар бир-бирларига ишонишига тўғри келади.

Жозеф — масъулиятли ва ақлли йигит бўлиб, у доимо отасига озиқ-овқат топиш ва хавфсизликни таъминлашда ёрдам беради. Томас эса бўш вақтини севгилиси яшайдиган қўшни фермада ўтказишни афзал кўради.

Ҳар кеча улар барча эшик ва деразаларни қаттиқ тамбалайди, чунки қоронғи тушиши билан қонхўр йиртқичлар овга чиқади. Бир куни Томас вақтида қайтишга улгурмайди ва Пол уни қидириш учун ўрмонга боради.